شغفها حبَّاً

شغفها حبَّاً (الجزء الثالث)

بس كمان سيارتو مابيقدر يستغني عنها

بتطلع شغف من البوابة بتلتقى فيهن
شغف:يلا بشوفك رند سلام..لك رند ردي بحكي معك
يوسف:ههه انسي البنت فصلت،الله معك اا..

بتنتبه شغف انو نسي اسمها
شغف:شغف..اسمي شغف،شكرا الك يوسف،باي..

يوسف جواتو:شغف..شو مختصر هلاسم بس معناه كبير

بتنصدم رند وقت تلاقي شغف عم تفتح باب السيارة وبتطلع فيها
رند:لعما..لك هي شغف
بيكتم ضحكتو:اي شغف،ليش مستغربة
رند:لك..لك هي يلي مابتعرف اصلاً تمشي متل البنات تطلع بهيك سيارة
يوسف:قصدك مابتمشي بمياعة متلك😂
بتنكشو بقوة عايدو:لك تضرب مااغلظك،حل عني ياه..انا رايحة اتبهدل بلمواصلات
يوسف:كنت حكيتلك تعي وصلك،بس البانزينات يادوب يوصلوني الي

رند بتطلع فيه:كهكهكه بايخة متلك،روح من وجهي

بيتركها ولسا عم يضحك عليها وعلى صدمتها،لهلأ ماكان يفهم كيف بتفكر..

أما عند شغف
تيم:وكيف شفتي الوضع بلمعهد
شغف:حبيت..يعني انشالله بلاقي فايدة
تيم:انشالله،بتمنالك التوفيق
شغف بجدية:شكراً الك..

بتنتبه أنو بيرن تلفونو بس بيخجل يرد لهيك بيحطو صامت

شغف جواتها:لعما شبهن،كلن حابين وعشقانين وهاد بحب هي وهي بتحب هداك..طلع بلفعل كلام الروايات حقيقي بس انا مغمضة عيوني..اصلاً عادي،انا لسا مالقيت الحب يلي الناس رح تحكي فيه،ويقولو #شغفها_حبا💙

بيمر يومين وبتداوم شغف علمعهد بشكل طبيعي،ولسا ماتعرفت ع لينا

وبيجي يوم جديد،بتنزل من سيارة ابوها وبدها تفوت علمعهد بس بتلاقي عند الكشك تنتين،رند ومعها صبية تانية

زاهر صاحب الكشك:قلقت عليكي آنسة لينا،اليوم مو حلو بدون صباحك
لينا:هههه تسلم طيب يلا عطيني قهوتي لكن بدي صحصح
زاهر:اي تكرم عيونك..

بتطلع رند فيهن بصمت
وشغف فضولها اول مرة بيدفعها لتقرب اكتر وبتعمل حالا بدها تشتري شي،بتنتبه لجمال لينا جمال مابينوصف،عيون خضر وبشرة بيضا وشعراتها شقر،وطويلة ونحيفة حتى لبسها بيجنن

رند:هه شغف صباحو
شغف:صباح الخير
بتلتفت لينا عليهن؟
رند:اي لينا بعرفك طالبة جديدة بلمعهد
بتمد ايدها لينا:ياهلا تشرفت بمعرفتك
شغف بتسلم عليها:وانا اكتر..

رند:اطلبلك قهوة شغف..
شغف:لا لا،بدي اخد بسكوتة بس
رند:اوك

شغف بقلبها:(لعما اديش بشرتها ناعمة،كيف هيك ياربي حاسستا طالعة من شي كتاب ولاشي رواية،هلبنت مو طبيعية)

بيمشو تلاتتهن سوا وفجأة بتوقع قهوة رند
رند:ييي لك شو هاد يااا شو هلحظ
شغف:اي لاتزعلي كب القهوة خير هههه
رند:هههه شكلك انتي فوراً تعلمتي الردود من يوسف افندي
بتطلع لينا بانزعاج وبتسرع خطواتها علمعهد
رند:لحقيها شغف انا رح جيب قهوة جديدة واجي
شغف:طيب..

بتفوت لينا بخطواتها السريعة

شغف:لعما هي كتير طويلة بخطوتين صارت بلمعهد اي انا عم اركد ركد وماعم اوصل،زرافة ماشية 😂

بيكون بنفس الوقت طالع يوسف من جوا ومو منتبه وبيخبط ب لينا،وبيوقعو كتبها علأرض والقهوة كمان

شغف:لااا بقا،هون وصلنا علمقطع المهم بكل رواية،هلمقطع يلي بيعدي عليه ساعة وهنن عم يتطلعو بعيون بعض،أي لاا ماحذرتو،مابدنا نقلبها فيلم هندي هلأ

بيتطلع يوسف ع تياب لينا،صارو كلن قهوة حتى كتبها يلي بلأرض
يوسف:انتي منيحة؟

فجأة بتصير بيناتهن شغف:له له له كيف هيك صار؟شكلك اكلتيها عين يابنتي قرأي عحالك قبل ماتطلعي من البيت،له له تعي معي فوتي لنظبط وضعك

لسا لينا كانت بدها تعاتب يوسف بنظراتها لأنو ماكان عم يتصل فيها بس شغف نزلت عليها متل القضا المستعجل وسحبتها من المكان

يوسف بيتطلع فيهن:ياعيني كان ناقصو المعهد مجنونة تانية،هههه قال اكلتا عين،اي بيكون عقد ماتطلعت بمرايتا قبل لاتطلع من بيتها ضربت حالا عين

كانت شغف لسا ماسكة بأيد لينا وساحبتا
لينا:لك ايي شبك انتي تركي ايدي
شغف:آه بعتذر ماتواخذيني بس شردت شوي
لينا:بلله..اي تركيني لكن

بتمشي من قداما وشغف بتوقف لتفكر ليش هيك عملت
شغف:لك انو شو خصني،يعملو افلام هندية ينباعو بلعزا شو بدي انااا اف ليش هيك صايرة..لازم ارجع لهدوئي

رند:لك شغففف
شغف:ااييي شوو
رند:صرلي ساعة بندهلك ليش ماعم تردي
شغف:ماكنت سامعتك
رند:وينها لينا
شغف:من شوي كانت هون،فاتت عهي الغرفة

بتطلع رند لورا شغف كان واقف يوسف بس مو منتبهالو شغف
رند:تفضل الخانم جوا
يوسف:تمام يلا سلام

بتطلع شغف ببلاهة
رند:شبك؟ليش مستغربة
شغف:من كلامك حسيت يوسف مابيحبا للينا وعم يتهرب منها
رند:يوسف انسان متناقض،لما بتبعد عنو بيصير مابيحبا ولمجرد تكون موجودة مابيقدر بلاها تقولي عاملتلو عمل
شغف:عمل؟؟

فجأة بتتذكر رواية العاشق المهووس يلي كمان أم حبيبتو عملتلو عمل وصار يحب بنتها وتزوجو

شغف:لعما بجوز والله
رند:هههه لك حاجتك جنون

فجأة بيفوت عليهن استاذ زياد
زياد:صباح الخير صبايا
رند وشغف:صباح النور استاذ
زياد:يلا جهزولي حالكن الدرس رح يبدا

شغف:اوك يلا رند ندهي ليوسف ولينا

بتنكشها رند بطرف ايديها وبتحاول تغير الموضوع:ايي ههه استاذ زياد فيني أسألك سؤال بخصوص الدرس الاخير
زياد:أي اكيد..تعالي معي

بيتركو شغف واقفة وبيروحو

بتنسند علحيط وبتسرح بأفكارها بعد لحظات بتسمع صوت ضحكة انثوية ناعمة وملفتة
بتفتح عيونها بتلاقي لينا وهية عم تضحك مع يوسف

لينا:لك أنو بس افهم من وين بتجيبهن لهلحكيات
#سارة_العلي💙 #يتبع