شغفها حبَّاً

شفغها حبَّاً(الجزء الرابع والعشرون)

شغف:ليش هيك عملت؟
يوسف:بصراحة مابعرف..بعتذر اكيد أنا ماكان مسمحلي،بس انتي مارفضتي وقتا
شغف:كيف بدي ارفض وانا غايبة عن الدنيا

بيسرح فيها،وهو بين اللحظة والتانية ماعم يصدق أنها قدام عيونو وعم يتناقشو سوا

شغف:وين بتسرح انت؟
يوسف:فيكي..

بيسكتها وماعاد يطلع معها حرف..
يوسف:قرأت ملاحظاتك بين سطور الروايات،عرفت شو بتحبي وشو بتكرهي..عرفت كيف بتفكري وشو امنياتك،عرفت شي عنك ماحدا بيعرفو غيري..

شغف:مثلاً؟
بيقرب منها كتير وبيأعد عطرف السرير جنبها
يوسف:مثلاً أنك من جوا بتحسي أنك غير الكل،أنك بتقصي شعرك هيك لحتى ماتشبهين كلن..أنو بتقولي ماعم تلاقي تشابه بينك وبين أي شخص،بس بلفعل أنتي من جواتك مابدك تشبهي حدا..أنك شغف يلي بحياتا مافاتت بعلاقة حب،بس بنفس الوقت عايشة اعمق قصة حب بينها وبين هي الكتب..وأنا لقيتك هنيك..حبيت عالمك الخاص

كانت عم تطلع فيه ببلاهة،وسارحة بنظراتو يلي كانت كفيلة أنو تدوبها،قلبها عم يتسرع كل مالمحت ابتسامتو الفتانة وهو عم يحكي،ويوقف حكي ليشوف ردة فعلا بين الجملة والتانية

بيكمل يوسف:بعرف أنك عم تخططي لمستقبل مع رفيق دربك،يلي كلو حب ورومنسية..بعرف أنك طبيعية لأنك بدك تكوني الطبيعية الوحيدة بهلكون..بتعيشي مع رواياتك،وبتحلمي فيهن..بتفوتي بكل الشخصيات،وبعدين بترجعي لشخصيتك المختلفة..بتجمعي ذكريات،لأنو بتحبي تتركي لكل شي حلو عرفتيه بحياتك أثر...متل هداك المكان مثلاً

وبيأشر باصبعو ع خزانتا

شغف بخجل:انت ماكان لازم..
يوسف:هسس خليني كمل..أنا بعرف أنو جواتك بنت مجنونة،كتير كمان..بس مستحيل حدا يشوف هاد الشي،ومابدي حدا يشوف هلجانب

شغف بتردد:ليش؟

يوسف:لأنو عشقتك بسببو..

بتفتح عيونها عآخرن وقت بتسمع هلكلمة،وبتحس الدم بعروقها صار متل النار

بيحس يوسف بنبض قلبها كيف عم يتسارع،وحس أنو هيك رح يأذيها

بعد عنها لتقدر تاخد نفس بهدوء،بيبرم ضهرو ألها وبيبتسم ابتسامة نصر،ردة فعلا هي اكدتلو كل توقعاتو،أنو بقلب شغف في مشاعر تجاهو

شغف:يوسف..فيك تمشي..

بيتطلع فيها
شغف:لو سمحت،روح بترجاك

يوسف:ماشي متل مابتحبي..بس صدقيني رح ارجع..

بيروح وهو فرحان ،يمكن فرحتو كانت اقوى من يوم صحيت،مع أنو ماتوقع يفرح اكتر من هداك اليوم،شغف قضت يومها كلو وهية لسا متفاجأة

بتقوم وبتفتش بين غراضها

شغف:انت شفت كل هلاشيا المجنونة،هو بقي معي اربع شهور وعم يتطلع فيني..وما مل،لا ياربي هيك كتير واللهي كتير

بتصير بتبكي ومابتقدر تسكت،الشي الطبيعي بحالتها هي..

شغف:أنا..أنا عطول بتمنى عيش قصة متل الروايات بس مو لهلدرجة..ياربي يعني،قصتي هي بحياتي ماقرأتا،لك هو عرف كلشي عني كلشي..أنا مميزة بنظرو..أنا غير الكل معقول هو حبني لأنو غيرن؟يوسف انت عنجد بتحبني؟

بيمرء تلت أيام،يوسف مابيجي،عطاها فرصة وبهلفرصة ماتركت سؤال ماسألتو لعيلتا وحكولا كلشي صار بهلفترة،وبلفعل كيف يوسف ماتركا ولا لحظة مع أنو كانو كتير يحرجوه ببعض الأوقات

بتفوت شفف عغرفتها،مع كوب النسكافيه..بتفتح الخزانة وبتطالع الدفتر يلي مخبيتو من تلت سنين،يومها عجبها كتير وقررت وقت رح تكتب روايتها يكون عليه

بتتذكر تركت كل ورقو ابيض بدون ولا نقطة حبر،ولما بتفتحو بيوقع منو منديل مطوي بتحطو عطرف بعدها بتتفاجأ بأول صفحة يلي مكتوب عليها بخط رائع وكبير

#شغفها_حبا💙

وتحتو تماماً مكتوب(يوسف&شغف)

بتحاول تتذكر

شغف:مستحيل،أنا ماكتبت عليه بنوب..مين يلي كتب هيك؟

بتمسك المنديل وبتلاحظ اصفرار لونو بشكل بسيط،بتقربو ع أنفها لتشم ريحة عطر يوسف..

شغف:يوسف..يعني حتى بهي كشفتني؟انتي عرفت أنو أنا..

فجأة بيرن تلفونها،بتلاقي اسم يوسف،بتفتح وبتحطو ع أدنها بصمت

يوسف بعد لحظات:بعرف أنك عم تفكري فيني..بس مابعرف عند أي ذكرى من ذكرياتي يلي تركتها بعالمك وصلتي..

شغف:...

يوسف:شتقتيلي؟..لاتجاوبي،بعرف الجواب لحالي..أصلاً تعودت احكي واسمع الجواب بقلبي..

شغف:ليش أنا؟
يوسف:لأنك الشغف..لأنك الحب الأول والأخير..
شغف:بس انت حبيت قبلي
يوسف:ماكان حب بشغف،وانتي اكتر انسانة بتعرف عن الحب،وبتعرفي الحب بلا شغف شو يعني
شغف:أنا ماكنت أعرف الحب بشغف من قبل..

يوسف:وهلأ؟
شغف:جذبتني بشكل كبير..بدون مااعرف السبب،خليتني اتخبط بأفكاري وابقا أيام بلا قراءة..ومااعرف شو صار فيني،وكل ماابعد عنك،تقربني بقوة لعندك،دفعة وحدة لدرجة تخلي روحك جواتي بدون أي علم منك

يوسف:بلفعل روحي هية يلي عشقتك،وعشق الأرواح اقوى بكتير...شغف

شغف:نعم
يوسف:أنا بحبك..بحبك لدرجة ماتركتي شي فيني ألي..كلي صار ألك

بيصيبها تعب نفسي بلحظة ومابتعرف السبب،حتى هو حس فيها بدون ماتحكي ولا كلمة

يوسف:شغف انتي منيحة؟
شغف:بعتذر لازم سكر..

بتسكر مباشرة وبتروح بتأعد علكرسي،في شي بخيالا وصور وذكريات غريبة ماعم تعرف شو هنن،بتتعب كتير لتقدر تنام

أما عند يوسف..بيكون عم يبرم بلغرفة وهو عم يحكي مع حالو:لا مستحيل اتحمل اكتر..أنا وشغف لازم نرتبط باسرع وقت،بدي شوفك عطول جنبي،ومانفترق بأي لحظة..شكلي تعاطيتك كتير وادمنتك

#سارة_العلي💙 #يتبع #حكاية✒ #قصص @hekaea_tna