شغفها حبَّاً

شفغها حبَّاً(الجزء الثالث والعشرون)

يوسف:بتمنى يجي يوم وتقدري تسامحيني

شغف:فيك تاخدني عهديك الخزانة

يوسف:اي تكرمي

أما عند ندى بيجي عصام
ندى:شو عم يعملو؟
عصام:الحمدلله شكلو يوسف قدر يقنعا تمشي
ندى:اي منيح
عصام:أنا بلشت آخد قرار
ندى:يلي هو؟
عصام:إذا وجود يوسف جنب شغف رح يرجعها بخير،أنا مارح ابعدن عن بعض..

ندى:معك حق
عصام:عمليلو شي يشربو بس تعملي الشوربة ل شغف

ندى:لاتقلق مجهزتلو مفاجأة هههه
عصام:شو رح تعملي
ندى:لاتشغل بالك

أما عند شغف
بيتطلع فيها يوسف وهية عم تتفحص خزانتا ومبتسمة

شغف:كيفا لينا
يوسف تفاجأ بسؤالا:بصراحة مابعرف..
شغف:معقول؟
يوسف:نحن نفصلنا من وقتا
شغف:شو السبب؟
يوسف:أول شي يلي عملتو مو مسموح بلنسبة ألي،عدا عن هيك كان في مشاكل كتير بيناتنا،يعني فيكي تقولي ماعم نقدر نوصل لبعض..هية بمكان وانا بمكان

شغف:بتمنى ماكون السبب
يوسف:معقول؟لسا خايفة ع مشاعرا
شغف:لأني مو متلا..

بيتطلع فيها بحب وبيهمسلا:بلفعل مو متلا

بيحس عليها أنها تعبت
يوسف:تعالي نرجع منكمل بعدين

بترجع بتمسكو وأول مايوصلو للسرير بتفوت ندى
ندى:شغف بنتي،الشوربة جاهزة بتحبي جيبا لهون او بتطلعي؟

شغف:لا انا تعبت رح ابقا هون ماما

بتطلع ع أيد أمها بتلاقي الكوب الخاص فيها المكتوب عليه اسمها
ندى بتتوجه عند يوسف:تفضل ابني

يوسف بفرح بعد ماادمن عليه:اووه يسلم هلايدين خالتي

شغف بصدمة وشوية انزعاج:ماما؟!
ندى بتكتم ضحكتا:شو ياعيون أمك
شغف بتتطلع علكوب مع أول رشفة ل يوسف؛وأول ماينتبه ع نظرات شغف بتجيه الغصة وبيصير يكح

ندى:يي بسم الله عليك لك ابني
شغف:انت منيح؟

بيحط الكوب ع طرف
يوسف:منيح منيح،شكلي ماعاد اتهنى فيه
بتضحك ندى

بتطلع شغف:شو يعني؟يعني ليكون ألك هلكوب ومابعرف
ندى:أمم ولا شي،بس شكلو بغيابك في مين اقتحم خصوصيتك يابنتي..يلا بلأذن

يوسف جواتو بيقول:والله ياحماتي طلعتي قوية،لسا ماتسميتي حماتي وعم تعملي هيك

بتطلع شغف بغيظ
يوسف بيضحكلا وبطالعلا سنانو بضحكتو بمزح

شغف:بتعرف..لو ماتعبت من الكلام..
يوسف:طيب اهدي،وبكرا بوعدك قدملك تفسير لكلشي بس بشرط

بتطلع فيه بمعنى شو الشرط؟
يوسف:تقولي لأبوكي يقبل أجي يومياً متل قبل
شغف:طيب...بس لأنو بدي اعرف شو كنت عم تعمل هون

بتجيب ندى الشوربة وبتأعد جنب شغف لتطعميها

بتطلع شغف فيه بغيظ
يوسف بأحراج:احمم..طيب أنا بستأذن..وو..بدي اسألك خالتي عمي أبو فؤاد وين؟

ندى:برا ناطرك
يوسف:ناطرني؟طيب اوك يلا بلأذن..

أول مايفوت عغرفة الجلوس

عصام:تفضل أعود ابني
يوسف بيرتاح نفسياً من طريقة عصام وبيأعد

عصام:بعرف أنو بدك تطلب تجي بكرا..خلينا نتعدى هلمرحلة

يوسف:يعني انت موافق؟
عصام:بما أنو كلو لمصلحة بنتي،رح وافق ،وبلوقت يلي رح شوف بنتي رح تتأذى من وجودك..مو بس رح ارفض،هلمرة رح اأذيك كمان

يوسف:مستحيل،فيك تثق فيني..

عصام:الله يخليك لأهلك..

بيستأذن يوسف وبيروح،كل يومو وهو عم يفكر ب شغف وهي كذلك الأمر،بيمرء هلكم يوم بيجي يوسف بس مابيحكو كتير،لأنو كان معاهن الدكتور بيشوفا وبيفحصا

وبعد اسبوع بتروح شغف فحص بلمستشفى،ويوسف مرافقها طبعاً وبس ترجع علبيت،بتجي بتزورها رند وزياد

كانت رند بلفعل متحسنة عن قبل وبتخبر يوسف أنها بعدت عن لينا كتير من يوم الحادثة،وبيلاحظ يوسف التغيير الحقيقي جواتا

وزياد فرح كتير برجعة شغف

زياد:يعني قريباً منرجع منشوفكن سوا بلمعهد

يوسف بيبتسم:انشالله..اكيد

كانت شغف مكتفية بتوزيع ابتسامات،ومابتعرف شو يلي مو مريحها تجاه الموجودين

بيمشو،وفؤاد وعصام كمان مابيكونو بلبيت..

ندى:أنا رح روح رتب المطبخ،خليني وصلك عغرفتك

يوسف:أنا بوصلا خالتي،بأعد معها شوي وبمشي
ندى:طيب ماشي الله يعطيك العافية

بتروح ندى وبيقرب يوسف ليمسك شغف
شغف:بس أنا خلص بقدر امشي لحالي..الوضع تحسن عن قبل
يوسف:تمام،يلا لكن تعي بدي ورجيكي شو جبتلك معي..

بيفوتو هني التنين علغرفة كان حاطتلا كيس ع طرف

بيطالعلا تلت كتب
شغف لمجرد تشوف الكتب بيصيرو عيونها قلوب😍
شغف:شو هدول؟
يوسف:روايات
شغف:انت شو عرفك أني بحب الروايات؟

بيسكت يوسف وبيكتم ضحكتو

شغف:بظن صار وقتها..فيك تحكيلي كلشي من يوم أنا نمت لليوم

يوسف بمزح:وبتسامحيني؟
شغف:لهلدرجة؟لك شو عامل
يوسف:واللهي متل ماحكتلك أمك،خترقت خصوصياتك
شغف:ومين سمحلك مثلاً؟
يوسف:أنتي..قصدي أنا
شغف:انت فيك شي؟أنا بعرفك ماكنت مجنون
يوسف:بصراحة وانا بعرف حالي عاقل،بس هلأربع شهور معك جننوني

شغف:أربع شهور وانت جنبي؟مامليت؟
يوسف:أبداً،بلأخص آخر شهر،شايفة رواياتك هي،أنا قرأت نصهن تقريباً

شغف:عم تمزح
يوسف:صدقيني وحفظانهن كمان،يلا سأليني أي شي ورح جاوبك..وبلمناسبة عرفت بسببن كتير عنك،يعني فيكي تقولي صرت أعرفك اكتر من حالك

#سارة_العلي💙 #يتبع #حكاية✒ #قصص @hekaea_tna