شغفها حبَّاً

شفغها حبَّاً(الجزء السادس عشر)

شغف:فيك تنزل تطبيق وتقرأها

يوسف:حاضر بتأمري..
بيفتح وبيبلش يقرأ عناوين كتيرة،وكلهن مابيجذبوها ألها نظرة خاصة بلعناوين

يوسف:مافهمت انتي عم ترفضي بدون ماتقرأي حتى البداية
شغف:الكاتب الشاطر بيعرف يكتب عنوان يشد القارئ،وبلتالي الكتاب باين من عنوانو لهيك..كمل لشوف
يوسف:أي بتأمري

بيكمل هييك لتستوقفو عند عنوان جذبها وجذبو بنفس الوقت
شغف:أي اي هي
يوسف:#شغفها_حبا💙 ؟
شغف:أي تماماً
يوسف:بصراحة،حبيتها لأنو اسمها ع اسمك..
شغف:أنا حبيتها لأنو بتربطني أنا وياك سوا
يوسف:كيف يعني؟
شغف:شغفها يعني اسمي،وشغفها حبا هي مذكورة بآية من سورة يوسف..
يوسف بيمسح عخدها:قارئتي الذكية..
بتبتسملو:أنت شغفتني حباً

يوسف:شرحيلي اكتر..
شغف:يعني باختصار،خليتني حبك بطريقة ماحدا حب متلها،كل الروايات يلي قرأتها بحياتي،ماقدرو يوصلولي الشعور يلي أنا فيه هلأ..وصل حبك لجوا قلبي واخترق الشغف..بدون سابق انذار،وكنت مفكرة صرت شاطرة بلحب،طلعت مابعرف شي..والشعور القوي مع الحبيب بيختلف عن كل المشاعر يلي حسيتا

يوسف:لهلأ ماعم اعرف ليش حبيتيني؟
شغف:انت فيك شي ماحدا بيمتلكو برجل واحد
يوسف:شرحي اكتر
شغف:بتمتلك تفاصيل كل بطل عشقتو زمان،النظرة الغريبة،العصبية المكتومة بلحظات،الشقاوة والروح الحلوة،الرجولية..أنك بتقدر تعطي الأمان،والحب بصدق واخلاص،شكلك حتى..وريحتك المميزة

يوسف:أنا حلمت فيكي
شغف بصدمة:وأنا حلمت فيك
يوسف:احكيلي شو حلمتي
شغف:حلم مو حلو بنوب..حضرتك وقعتني من جبل عالي
يوسف:وليش مارفضتي؟
شغف:قلتلي رح تحميني وبعدها رح نوصل لمكان كتير حلو،طيب وانت شو حلمت؟

يوسف:أنا حلمت فيكي قبل مانتقابل بلمعهد
شغف:معقول؟
يوسف:اي..كنت شوف صبية بنومي،بس ملامحا مابتشبه ولا صبية شفتها بحياتي،مااقدر ركز منيح،تمشي باتجاهي ولما توصلي لعندي تختفي..

شغف:بس هيك؟
يوسف:أي..وماتأكدت من أنو انتي غير وقت كنتي بلغيبوبة

شغف:يوسف،شو هلريحة؟
يوسف بثقة:ههه أي غيرت ريحة عطري
شغف:لك هي،هي ريحة شي عم يحترق
يوسف:ييي لك نسيت المعكرونة علنار(وبيركد علمطبخ)
شغف:شووو؟؟طباخ فاشل

بعد وقت وهو بلمطبخ،شغف بتبتسم وبتحاول تسترجع ذكرياتها مع يوسف لما كانت بتشوف،رفعت ايديها وصارت تحرك اصابعها بلهوا وهي عم ترسم ملامح وجهو بخيالا..وفرحانة

بعد لحظات بيوصل يوسف بهدوء،بيضحك بصمت عشكلا،بيقرب بهدوء بيأعد جنبا وبيحط وجهو بين ايديها

وأول ماتنأز بيمسك ايديها وبيخليهن عخدودو

يوسف:فيكي تطلبي مني هلشي،وتلمسيني بلواقع مو بخيالك

بيتوردو خدودها،بس بتقوي قلبها وبتلامس ملامحو

شغف:شتقت شوفك..وأنت عم تطلع فيني بحب

يوسف:رح تشوفيني..حتى أنا ناطر تحطي عينك بعيني وتحكيلي أنك بتحبيني متل مابحبك

بعد شوي بيقرألا الرواية،هييك لتغفى عصوتو

بيحملا بهدوء علغرفة وبيغطيها منيح

يوسف بهمس:اسف نيمتك بدون عشا،رح عوضك بكرا شغفي..

بيطلع من الغرفة

بيمر اسبوع،وبيصير موعدهن عند الدكتور بيطمنو أنو في أمل ٧٠% تستعيد نظرها بلعملية،وهلشي بيفرحا كتير،بيرجعو علبيت لازم ينتظرو شي ٢٠ يوم لوقت العملية...

كانت احلى أيام حياتها،صح بلعتم...بس حبو منورلا قلبها حست نفسا واخيراً بطلة من ابطال الروايات،كلشي كان مختلف حتى المجتمع

وبيوم كانو آعدين بياكلو،وبيرن تلفونو
شغف:فيك ترد
يوسف:لا اتصال مو مهم
شغف:تمام

بيتكرر الاتصال مرتين،وبعدها بتبلش توصلو رسائل

شغف:أنا شبعت رح اوم غسل،يوسف فيك تروح ع غرفتك وتعمل اتصالك،أو حتى تروح برا البيت مابتدايق بنوب
يوسف:لا بنوب،صدقيني مافي شي مهم

بتروح وهي عم تمشي بهدوء بتسمع الموبايل رجع يرن،وخطوات يوسف عم تبعد وعرفت أنو متوجه عغرفتو

مابتعرف ليش قلقت خافت يكون تأجل موعد العملية،أو في شي مع الدكتور بس يوسف مو حابب يخبرها..

وهيك عم يمضا الوقت،بس شغف عم تتعلق فيه اكتر،صار جزء كبير منها،أو يمكن كلها..يوسف صار وجودو أدمان،الاوكسجين تبعها،يعني لما يطلع فترة قصيرة من البيت بلفعل نفسيتا تتعب،وتحس نفسها خف

ويوسف جاب اسم طبيبة وقرر ياخدها لعندها

وأول موعد أعدت لوحدها معاها،ويوسف حكالا بيمضي مشوار سريع وبيرجع

الدكتورة لميا:احكي كلشي بقلبك وكلشي عم تحسيه،شو هي المشكلة يلي عم تعاني منها
شغف:الماضي عندي بذاكرتي مختلف عن الماضي يلي عم اسمعو من يلي حوليي،ومتل ماحكالك يوسف أنا صار معي حادثة،بس كل الكشوفات بتأكد مافي فقدان ذاكرة

لميا:ممكن يلي عم تعيشيه شي مختلف عن المرض
شغف:كيف يعني؟
لميا:أنتي الماضي يلي بخيالك؟أفضل من الماضي يلي عم يخبروكي فيه
شغف:بكتير
لميا:يمكن الصراع يلي جواتك،خلاكي تتخيلي هلماضي وتخلقيه بلطريقة يلي انتي بتتمنيها،يلي بتعاكس الواقع..

بعد وقت بيجي وبياخدها يوسف
بيقلا:شو صار معك انشالله رتحتي؟
شغف بغيظ:بنوب،ماحبيتا بنوب هلدكتورة،لك مجنونة
يوسف:ههههه لك روئي شو صرلك
شغف:بحكيها من الشرق بتحكيني من الغرب،أنا ماعاد شوفا
يوسف:متل مابتحبي مابدي اضغط عليكي
شغف بفضول:وانت...كيف كان مشوارك
يوسف بتوتر:أاا..تمام،منيح منيح

شغف:تمام..طيب

بيمر كم يوم كمان،وقبل العملية ب أربع ايام،بتفتح عيونها شغف متل كل يوم،بظلمة معهودة
#سارة_العلي💙 #يتبع #حكاية✒ #قصص @hekaea_tna