شغفها حبَّاً

شغفها حبَّاً(الجزء العاشر)

بينزل يوسف عيونو بحسرة وقهر..شغف فقدت نظرها،فقدت اغلى شي بتملكو

لحظات بحياتو ماتمنى يعيشا،ولاحتى شغف..لحظة عرفت أنها فقدت النظر..وكأنو فقدت الحياة

أجا الدكتور وكان صريح معا وخبرن أنو هلحالة ممكن تكون لمدة قصيرة وممكن تبقى دائمة بس لازم يضل أملهن كبير ب رب العالمين..

بعد مرور أسبوع كامل من التعب النفسي عند شغف وبقيت معها طبيبة نفسية لتحاول قدر المستطاع تخفف عنها...تقبلت الوضع بدون ماحدا يفهم كيف هيك وبكل بساطة

لبستها أمها تيابها،وجهزتا ليطلعو

بيدق يوسف الباب
يوسف:فيني فوت
ندى:اكيد تفضل

يوسف:شغف..كيفك

بتحاول تبرم بوجها ع مصدر الصوت:يمكن منيحة..بس مابعرف كيف رح أبدأ أول يوم بدون عيوني

بيقرب يوسف وبيمسك ايدا:تمسكي فيني لننزل لتحت

ندى:انا رح نزل هي الشنتا لتحت
يوسف:تفضلي هي مفتاح السيارة رح اجي انا وشغف
ندى:بتشكرك لوجودك معنا
يوسف:واجبي خالتي،يلا سبقينا

بتروح الام ولسا ماسك بأيد شغف
يوسف:أمك طلعت
شغف:أي شو يعني؟
يوسف:يعني رح خبرك كلشي عم يصير حوليكي..وكأني عيونك تماماً
شغف:رح تكون النظر بلنسبة ألي
يوسف:أقل شي بعملو،ألي الشرف أنو كون جزء منك

بتخجل شغف وبتحاول تلتفت للطرف التاني

بيبتسم يوسف:بتعرفي شو احلى شي هلأ..أنو بعد تلت شهور من مراقبتي ألك..شفت هلملامح بشكل مختلف،انتي بتجنني وقت بتخجلي،ومارح ضيع لحظة إلا وخليكي تخجلي لاستمتع بخدودك هدول

بيمسح عليهن بهدوء..

بعدين لتخبي خجلا بتقلو:بتعرف انو نظري كان كتير تعبان مني
يوسف:كيف يعني؟
شغف:القرار يلي اخدتو حضرتك رح تندم عليه قريباً،انت هلأ رح تتواصل مع مخي مباشرة،يعني كلشي بفكر فيه رح اهمسلك ياه متل وقت مخي كان يأمر عيوني بشي ليشوفوه..متل القراءة مثلاً،ياترى فيك تقرألي ياعيوني..

بيبتسم يوسف:شو..شو حكيتي بلآخر يا شو؟
بترجع بتخجل
يوسف:ههه لك احكي يلا عيديها
شغف:لك مو هيك قصدي،انت قلتلي أنو بدك تكون عيوني،لهيك قلتلك يا..

يوسف:كمليا يلا..
شغف:ياعيوني..

بيكتم ضحكتو وهو عم يتطلع فيها
شغف:فينا نمشي

بيتطلع ب بؤبؤ عيونها وهو عم يتلفت بانحاء الغرفة،بيتمنى بس لو يقدر يثبت بنظرو..ليستمتع منيح فيهن،بس للأسف مستحيل..

وبينزلو سوا علسيارة،ريحتو كانت منتشرة بلسيارة،هلشي يلي خلا شغف دايبة طول الطريق،غرقانة بذكرياتها..مو عارفة شو يلي عم يصير أو كيف هيك صار..وايمتى خلقت المشاعر بقلب يوسف

شغف لنفسا:معقول هو شفقان عليي؟لا لا لازم ابعد هلافكار عن راسي واستمتع بكلشي عم عيشو معو،يوسف هو بطل قصتي وأنا رح ارويها معو

بيوصلو علبيت
ندى:تفضل يوسف شراب شي
يوسف:تمام خالتي رح فوت كرمال وصل شغف

ندى:اي يلا تعالو
بيرجع بيمسك شغف وبيمشيها،بيقرب لطرف ادنها وبيهمس:عفكرة،عم اتحجج لحتى اقدر كون معك وقت اطول

بتبتسم بصمت هيك ليوصلو علبيت
يوسف:شغف،فيكي توصليني لغرفتك حاولي
شغف:اي هلبيت عايشة فيه من سنين،رح يكون كلشي تمام لا تقلق

بيفوتو سوا عغرفتا..توقعت ينتبه لتفاصيل الغرفة المميزة بس كأنو دخل عغرفة فاضية مانتبه ولا ع شي

يوسف:تعالي اعدي لنحكي شوي
شغف:أوك،في كرسي هون جيبو لحد التخت واعود

بيتطلع يوسف:مافي أي كرسي بلغرفة شغف
شغف:معقول؟كان في كرسي يلي للمكتب،يلا مو مشكلة بتأعد حدي علتخت

بيقرب وبيأعد جنبا،بيمسك ايدها بحنان وبيمسح عليها
يوسف:شغف..فيكي تسامحيني عن يلي تسببتو ألك..بعرف شي كتير صعب يلي عملتو فيكي،بس صدقيني..

وقبل مايكمل بتشد ع ايديه وبتقلو:هسس لا تكمل يوسف،أنا مسامحتك أنت اصلاً مالك ذنب،مابدي يعذبك ضميرك بسببي،يلي صار هو غلطي أنا لهيك مابدي أنك تكون معي بس لتريح ضميرك،صدقني انت مالك ذنب بشي،بلنهاية هاد قدري

يوسف بحب:لا ابداً مو هيك،أنا جنبك لأنو أنا حابب هلشي،احساسي هلأ كتير غريب مابقدر اوصفلك ياه،بس عم حس اني...أني لازم ابقى

بتخجل شغف،هية حست أنو كان رح يحكي شي بس تردد

يوسف:انتي هيك بتخجلي عطول؟بس عفكرة خدودك بيكشفوكي فوراً بيضوو بللون الزهري متل الانذار ههههه

شغف:هههه انت يلي عم تخجلني

بيرفع ايدو وبيمسح عخدودها بيحس بنعومتن:لاتخجلي وانا جنبك،بدي تحسي أنو انتي مع نفسك وبس ماكأنو معك حدا غريب،لازم تحسي أنو انا انتي

بتحس بلمساتوا الناعمة،وبيرتبلا شعراتا كمان
بتستغرب لما بتشعر بشعرها طويل،بترفع ايدها بتلمس ونظرات الاستغراب عوجها
يوسف:فيكي شي؟
شغف:شعراتي
يوسف:شبهن
شغف:طولانين كتير
يوسف:ههه انتي هيك حاسة،بس بتعرفي شعراتك احلى شعرات بشوفن بحياتي..من يوم شفتك
شغف ببلاهة:بس أنا شعراتي عطول قصيرة

بتحس فيه أنو قرب منها اكتر،وسحب خصلة من شعراتها وعم يشما
يوسف:وريحتن كتير ناعمة،متل ريحة الاطفال

بتتلبك كتير وبتسكت، وشوي مستغربة من الموضوع،ماعم تعرف شو يلي عم يصير جواتها

بيحسو أنو حدا جاية،بيبعد عنها بهدوء

بتفوت ندى:تفضلو شربو

بيعطيها كاسة عصير الليمون بإيدها،وبتجي لتشرب
وأول ماتحس بلطعم بتشمأذ
شغف بانزعاج:امم..شو هاد،ماما أنا مابشرب عصير ليمون
ندى:معقول؟انتي بتعشقي هلعصير
شغف:ماما معقول نسيتي؟؟
يوسف بيضحك عطريقتن بلكلام..وبيكملو العصير

بيروح وبيتركا بلغرفة بتتسطح وهية عم تفكر بكلشي
#سارة_العلي💙 #يتبع #حكاية✒ #قصص @hekaea_tna