النقيب أبو درع والقاصر
للكاتب علي الفتلاوي
مُهمممممم 🚫🚫🚫
قبل لا تقرون انتبهوا لـ رقم البارت لأن انا نشرت الرواية وصار خلل بلحساب ونشرت بالمخربط ،فـ بليززز انتبهوا ♥️
،،،،،،،،،،،،،،،،،،،،،،،،،،،،،،،
السلام عليكم
بالبدايه راح اعرفكم شويه عن نفسي وعن عائلتي
المتكونه من امي وابوي واخوي كرار الجبير واني الوسطانيه واختي رهف الصغيرة بزر الشيب والكعدة
اسمي لجين عمري 15سنه بيضه وعيوني كبار بس مثل ميكول المثل كل حلو بي لوله مااگلكم اني حلوة لا بس ردت اطبق المثل لان اني نولدت وكانت وياي اختي التؤأم
اثناء الحمل صار اختلاط بلجينات الوراثيه او مااعرف شنو هو بالضبط خلانه ننولد وكل وحدة عدها عين لونها يختلف عن العين الثانيه
يعني عين لون ازرق وعين لون اخضر
واختي كذالك بس بعد الولادة ب اسبوع صار عدنه ابو صفار احنه الاثنين بس درجتي اقل من درجه اختي كان ابو صفار عدها نسبته عاليه لذالك قررو ييدلون دمها وبعد مابدلو توفت واني بقيت
عندي اخ واحد وهو كرار الچبير واني اصغر منه ب 4سنوات
امي كان عدها بس اني وكرار لان مريضه عدها زلال ع الكلئ وخفقان بالقلب لذالك ابوي قرر ميسوون اطفال وكالها عندي ولد وبنت كلش كفايه وخير من الله
لكن بعد عشر سنوات شاءالقدر امي تحبل من جديد كلنه خفنه عليها لان حيل تعبت مابيها حتئ تمشي اذا طلعت للحمام ترجع تلهث لان مشت خطوتين
جابت اختي رهف الصغيرة الي كانت ماخذة ملامح امي كلش نفس العيون الخضر ونفس البياض
اخوي كرار عمرة 18سنه عصبي كلش وميتاحجه ابد ايعصب علئ اقل حجايه وتصرفاته كلش متعبه امي
مرات متحجي لبوي تخاف يضربه ومرات متكدر تضم تصرفاته لان بدة يتجاوز وميحترم احد وبعد ماابوي يرزله ويطلع يگلب البيت علينه بالغلط ووالصايح بطلني من المدرسه بعد مانجحت من صف سادس ابتدائي لان كانت بعيدة ومختلطه وصار يوميه يطلع سالفه جديدة عليه يوم يكول الشباب تتحرش بيها ويوم يكول لكيت اسمها مكتوب ع الحمامات مال المدرسه لغايه ماقنع ابوي يبطلني
حالتنه الماديه كلش زينه ابوي عندة املاك وعقارات وقطع اراضي اعتمد علئ نفسه واشتغل والورث الحصله من جدي كان قطعه ارض جبيرة قسمها علئ اولادة الثلاثه جواد وعماد وعدنان
عمي جواد الجبير انسان سكير مايعرف الله وين خالقه
24ساعه سكران باع قطعه الارض وخلص فلوسها ع السكر والعربدة
مرته وبناته يخيطن ويخبزن ويبيعن للناس وعمي ياخذ فلوسهن يشتري بيهن مشروب
