گمت اشوفك واختنگ
هذا انته عود العافيه 💔
،،،،،،،،،،،،،، ،،،،،،،،،،،،،،،،،،،،،،،
الله بالخير عليكم يابعد الضلع الماينشلع 😗
من هسه اگلكم الحدايق لايقرون البارت
لان من كثر التصحر اليوم البارت الله يستر منه 😂
هواي گالو ماشفنه شي من حب علي ولجين لان ختمتها بسرعه
وهذا لعيونكم بارت مليان غومانسيه 😂
شگول عليكم خليتوني مگابل نبع الحنان اريدها تعرسني
لان عندي هواي كلام حلو خاف انساه 😂😂😂😂
، ،،،،،،،،،،،،،،،،،،،،،،،،،
قصة النقيب ابو درع والقاصر
للكاتب علي الفتلاوي
لجين،،طول الليل وعلي مسهرني وياه عيوني گوة مفتحتهن
علي،،هههههه بويه اگعدي چنج دجاجه معمل تنامين من وكت
لجين،،فتحت عيوني تك وتك كتله ساعه 3الفجر نعست
علي،،اممم بس اليوم اني عريس اشلون انام وكل هل عسل يمي
لجين، ،حجاها وغمزلي واني غطيت حتئ راسي
حاول راد واني عبالك دولمه ملفوفه بالحاف
اذا السالفه تبقه يمه اضل اسبوع گاعدة
سحبني الحضنه دفن وجهي بصدرة ماحسيت غير نمت ماكعدت غير علئ دگتة الباب فزينه اني وعلي علئ صوت خالتي ام حسين تگعدنه لان الساعه صارت 10
علي،،صباح الحب 😉
لجين،،ابتسمتله وگتله صباح الخير
علي،،گومي خل نسبح ونطلع اكيد اكو خطار عدنه
شجاج البارحه ماخليتيني انام
بسيطه بس انزل اله اگل ل امي عليج هههههه
لجين،،فتحت حلگي شبر گتله هو منو الماخله منو ينام هاا
علي، ،اصلا اني رجال فقير وين اكو مثلي
امشي بصف الحايط وماارفع عيني ابد
لجين،،امم اوك لعد يارجال يافقير خل نشوف منو ينام يمك بليل اله انام يم خالتي
علي،،هههههاي حتئ احرگج انتي وخاالتج
بابا افهمي بعد ماكو نومه غير بحضني وبس هنا مكانج بين اديه
لجين،،من شفته بدة يتعمق گمزت من مكاني گتله يييله خل نستعجل عيب من الخطار
علي،،ياابه شو دتعااي لجاي اذا مااتريگ بيج مااطلع
لجين،،شيخلصنه من علي ماتركني غير نفذ كلامه يله قبل ننزل
اني سبحت ولبست دراعه خليجيه بيضه وحجاب ابيض وخليت مكياج ونزلت لگيت
ام حسين ونسرين وبيداء وهناء ينتضرنه
من شافني هلهلن احس خدودي اشتعلن نار من الخجل
سلمت عليهن وباركلي بعدها نزل علي
ياربي هذا الرجال هو هيج حلو وكشخه لو عيوني اليشوفنه هيج لان احبه
