النقيب ابو درع والقاصر
لجين،،احس الساني خدر وانشليت من شفتهم بهلمنضر
شفته كوة گام من مكانه يريد يجيني ورجع وكع من شهمه روحي وخوفي مااعرف اشلون ركضت خارج البيت واصلا البيبان كانت مفتوحه اركض بالشارع بخوف وفزع اريد اصيح مااكدر صوتي اختفه
وصلت بيت خالي واني اهمش وادك بالباب بقوة بثنين اديه مثل المخبله علئ صوت الدك طلع خالي فتح الباب من شفته وحسيت نفسي بامان اغمه عليه وبعد ماادري بروحي
هناااك وجان اشوف رهوفه لابسه بدله بيضه وبيدها لعابتها جنت كاعدة بمكاني وهي واكفه تجر بيدي تريد تكومني حتئ اروح وياها
جانت تبجي ودير وجها لورئ تباوع لمي وابوي الجانو واكفين بعيد عنها
رفعت راسي الها وجان اشوف البدله صارت تجري دم انفزعت من شكلها اريد الزم ايدها كل مااقترب منها تبعد
اكثر لحد مااختفت ويه امي وابوي
فزيت من نومي احس ريكي يابس وبلعومي مجرح من العياط
سمعت صوت عذراء يمي انتبهت علئ روحي كنت نايمه ابيت خالي دفعت الغطه وكمت من مكاني اريد اروح البيتنه لزمتني مرت خالي وهي تبجي
ام صابرين، ،اسم الله يخاله وين رايحه
لجين،،كنت اردد اسماء اهلي بدوون وعي واني احاول اطلع اريد اروح البيتنه بس اجن بنات خالي ولزمني وامهن اتصلت اسمعها تكول لجين كعدت وتريد تروح البيتهم
سدته واجت يمي انتبهت عليهن لابسات اسود رجليه بادن وكعدت بالكاع وجسمي يختض كتلهن م منو منهم ما مات ??
اام امي رهو رهوفه لو اابوي ??
اسمع صوت شهكاتهن وبجيهن كمت ركضت للباب اني بيا حال وذني لازماتني صحت بيهن عوووفني وللللجن ااااهللللي
اريد اطلع وهنه مجلبات بيه
شويه واجه ابن خالي الجبير لازمني من جها وصابرين من جها مشوني للسيارة ومرت خالي حطت حجاب علئ راسي كعدوني بالسيارة وهنه صعدن وياي
(طبعا كل الوصف والشرح ولو اجمع ملايين الكتب مااكدر اوصف شعوري بذاك الوقت)
وصلنه البيت عمي جواد وجان اشوف هواي سيارات وجادر مبني بالشارع والنسوان تدخل للبيت
لحد هاي اللحضه واني اكول بحلم ساعه واصحه منه
وصلنه للبيت دخلنه وهنا واشوف النسوان تلطم وعماتي شاكات ثيابهن وناثرات شعرهن يكطعن بي من شافني تعالئ صوت الصايح اداورني ويلطمن والنسوان اسمعهن وحدة
تگول خطيه مابقالها احد والثانيه تكلها والله تكسر الخاطر طفله شنو ذنبها
شويه وجان وصلت الجنايز وتعالئ صوت الصريخ
حطوهم واحد بصف الثاني واخر نعش جان لرهف صغير علئ كدها
