فارگتج واسولف مبتشر مجبور
طير الينذبح يرگص ومتعذب
انه اگبال الشماته مااصير اهلال
ادگ خشبه اعله ظهري حتئ لاحدب 💔
،،،،،،،،،،،،،،،،،،،،،،،،،،،،،،،،،،،،،
لجين، ،ضليت فاتحة حلگي عليها دخلت مثل الاعصار تتوعد وتتحلف بيه
طلعت وسدت الباب وراها
قبل حتئ ماارد عليها واجاوبها
هي حقها زوجته واتغار علي بس اني من حبي العلي صرت انانية افكر بنفسي وبس لان محتاجه امانة
قررت ماادخل بحياتهم نهائيا وامشي ع اساس اني خطار عدهم وبعد سنتين ارجع الخالي وانسه وابدي حياة جديدة وانسه علي
ورب العالمين ماينسئ عبدة يمكن يعوضني ب الاحسن عندي ثقة برب العباد ونعم بالله هو ارحم بعبادة من البشر
ثاني يوم گعدت عادي طلعت ويه باجي نسرين رتبتنه البيت وحضرنه الجاي للخطار بس بيداء كانت تشتغل ويانه اما هناء بعد ماادخلت بشي بقت گاعدة يم النسوان التجي تبارك
طول اليوم واني اتجاهل علي تماما اني طلبت من الله يطلعه من گلبي ويخلي انسان عادي بحياتي
هو اتزوج واستقر بحياته شنو ذنب شيماء اكون اني عثرة بطريق سعادتهم
الله يسعدهم ويهنيهم سوة
نسرين حست بيه طول اليوم ماحجيت ويه احد اشتغل ع السكته بدون كلام
نسرين،،شبيج بنيتي شو اليوم ذابتها ع الصامت??
لجين،،مابيه شي باجي بس عندي شويه صداع وباجر دوام وهم كلشي مامحضرة
نسرين،،اتركي كلشي من ايدج وگومي راجعي دروسج هواي نسوان موجودة تكمل بمكانج
لجين،،دخلت للغرفه طلعت كتبي حضرت واجباتي
صدريتي نضيفه بس كويتها هي وقميصها
كملت كلشي بس ماطلعت صارت ساعه 6المغرب واني بالغرفه انفتح الباب ودخلت نسرين
نسرين،،اگص ايدي اذا ماسامعه حجايه احجي منو وياج?
لجين،،باجي والله مابيه شي بس تعبانه من الفرة والشغل لو اكو شي تدرين مااضمه عنج
نسرين، احاول اصدگج بس ماعلينه گومي اتعشي
لجين،،طلعت لگيت ام شيماء هم جايه هي وبتها وجاي تتوضه تريد تصلي
دخلت للمطبخ لگيت بيداء وعمتي وحدة تصب تمن والثانيه تسهم اللحم فوگ المواعين
كملو وشالو العشه انفتح باب المطبخ الخارجي ودخل علي. مجرد باوعتله ورجعت اوزع الخضرة بالسلال الصغار
بقه شويه يستعجلهن ع العشه للزلم الموجودة بالاستقبال
اخر شي طلع واني بديت انقل وياهن اكل للسفرة
بدن النسوان يتعشن وام حسين گالت تعالي يمي اتعشي گتلها مااشتهي خاله شبعانه
وشيماء رافعه حاجبها تباوعلي وتباوع ل امها
