سؤال، ،انته منو ??
اني المتعبينه، ،البحجت نحبك باگو اسنينه
اي يعني منو ??
وياك ابو الوگفات، ،الردوهن علي سچينه سچينه
گلبك ماله واهس،،گلبي چان بخير
بس الينطگ يحير بنياشينه
علئ گلبك اسم الله اسم الله ع الخانوك
فدوة الهم واذا دگاته موزينه
،،،،،،،،،،،،،،،،،،،،،
قصة النقيب ابو درع والقاصر
للكاتب علي الفتلاوي
،،،،،،،،،،،،،،،،،،،،،،،،
لجين،،گعدت الصبح واكو ابالي مخطط اساعد بي عمي خطيه حالته تعبانه ويرفض مساعدتي
طلبت منه اشتري شغلات من السوگ
بس قبلها لازم نمر بالمصرف نسحب مبلغ اتصرف بي
قبل ياخذني وفعلا رحنه سحبنه الفلوس وبعدها طلعنه للسوگ
اول مااشتريت غساله خطيه مرت عمي تغسل ملابس بيدها بالبرد
ماقبل بس قنعته الاشتري الي للشقه
بعدها اخذت فراشات للبيت البيت حيل بارد ونصه مابي فراش واحنه بداية الشته
بعدها اخذت بلازمه وثلاجه اثثت بيته اثاث كامل من نفس المجمع
كملنه والغراض خلوهن بسيارة حمل واحنه اجرنه تكسي صعدنه بيها وسيارة الحمل تمشي ورانه
وصلنه للبيت اني نزلت وعمي بقه يمهم ينزلون الاثاث
مرت عمي وبناتها يباوعن من الشباج والفرحه تارسه وجهن اني من يمي فرحت الفرحتهن
احس سويت شي سويت فد انجاز شعور غمرني بالراحه
مرت عمي تبوسني وعيونها تلمع
كتلها عمه انتو اهلي وماانطيتكم شي من جيبي ذني افلوس ابوي واكيد لو هو عايش مايقبل يشوف عمي هذا وضعه
عمي تشكر مني وگتله كل شهر تروح للمصرف تستلم مبلغ لان راتبك قليل بس هو رفض نهائيآ
صرنه نرتب بالبيت فرشنا صار دافي بعدها حطينه كل شغله بمكانها
بس بقت حالة عمي اوضعه التعبان ابالي اشلون اگدر اساعدة بدون مايرفض
عند ابوي قطعه ارض وبيها بالبدايه مكان فارغ يصيحوله سدر الگاع لليريد يبني ابداية قطعة الارض مالته
فگلت انطي السدر مال گاعنه وابنيله بي بيت اله ولطفاله بدل ماينطي كل راتبه للايجار بس المشكله مالگيت احد يساعدني منين اطلب المساعدة وهو حتئ خالي مااحجي وياه
قطع سلسله افكاري صوت جرس البيت طلع عمي يشوف منو وتفاجئت بجية نسرين وحسين وام حسين
احس نفسي عطشانه علئ شوفة نسرين ومشتاقتلها حضنتها بكل قوتي انجمعت الدموع بعيني بس ماردت ابجي گدامهم
