النقيب علي،،گاعد بالمكتب وعيني بملف ل احدئ الجرائم الي استلمها
انفتح الباب ودخل الضابط وكانت اكو بنت صغيرة تمشي وراه
من شكلها عمرها ميتجاوز ال 15سنه
تمشي وعينها بالگاع منزله الشال علئ وجهها وخايفه
اشرت للضابط طلبت منه يطلع ويتركني استجوبها
لأن اول مرة توصلني هيج قضيه تشيب الراس
گمت وگفت علئ حيلي واتجهت الها كانت باقيه علئ گعدتها مدنگه راسها وترجف مثل السعفه
سحبت الكرسي وكعدت گدامها واني اعاين منضرها
طلعت الباكيت من جيبي اخذت منه جگارة و ورثتها
وخليته ع الميز گدامي وطلبت منها ترفع راسها
وتحجيلي السالفه
وهنا كانت الصدمه من شفت عيونها سبحان الخالقهن كل وحدة لون بس هلشي زايدها جمال فوگ جمالها
جليت صوتي وگتلها لتخافين واحجيلي كلشي ادري هلشي صعب عليج بس اذا ماتردين دم اهلج يروح هدر اتقوي واحجيلي بالتفصيل الممل
لجين،،بديت احجيله اشلون كان كرار شالع گلب اهلي واشلون الناس تشكي من تصرفاته الئ ان وصلت اليوم الحادث
صرت كوة احجي من بين شهگاتي احس الشريط انعاد عليه من جديد
النقيب علي،،اهدي شويه وشربي مي
لجين، ،شربت مي وسحبت نفس قوي ومسحت دموعي
النقيب علي،،زين انتي من ركضتي البيت خالج هم رجعتي للبيت مرة ثانيه وياهم ??
لجين، ،لا لان دخلت ب انهيار عصبي حتئ ماادري شصار بعدها ماصحيت غير ثاني يوم الصبح وكان وقتها جايبين الجنايز للبيت
النقيب علي،،شوفي عمو الضاهر مثل ماكال اخوج عمج اله يد بالموضوع لأن حسب اقوالج كان اكو مبلغ كبير من المال بس هذا المبلغ مالگيناه بمسرح الجريمه وبكل البيت ماله وجود
بس احنه مانگدر نعتمد بس علئ اقول كرار لأن ماكو ادله ولابصمات ولا اي شي يثبت تورط عمج بالجريمه لذالك راح نضطر نطلق سراحه
لجين،،من سمعت كلامه بجيت اكثر لان اذا صدك عمي مشترك بموت اهلي اريدة ياخذ جزائه
نقيب علي،،ليش البجي يابابه ??
لجين، ،باوعتله بنضرة قهر ودموعي تجري
كتله الله يخليك عمو لتخلي عمي جواد ياخذني اعيش يمهم اريد اعيش يم خالو
حجيتها وغطيت وجهي بثنين اديه ابجي
نقيب علي،،جريت حسرة طلعت من روحي من شفتها تبجي مااعرف ليش
وسالتها زين ليش ماتردين تعيشين يم عمج ??
لجين،،عمو جواد يشرب ومن يسكر يصير يضرب الكل واخاف هم يضربني ويه بناته
نقيب علي،،جريت ورقه من سمعت كلامها
كتبت رقمي وانطيته الها
گتلها بصوت حاد اسمعيني بعد عمج
هذا رقمي اريدج تحتفضين بي اي مشكله تصادفج لو عمج مثل متگولين يتجرأ ويضربج
بس اتصلي بيه وداعت دموعج ذني اسحبج منه واسلمج الخالج واسحگ علئ راسه اذا فكر يضربج
