البارت 10
قصة النقيب أبو درع والقاصر
للكاتب علي الفتلاوي
لجين،،فتحت عيوني بثگل لگيتهم كلهم داير مدايري واني نايمه بفراشي وام حسين لازمه ايدي وگاعدة ونسرين يمها وعلي واگف بعيد عني مكتف ادي
ام حسين،،ها ييمه اشلون صرتي هسه والله وگعتي گلبي عليج
نسرين، ،اشلون صرتي لجونه بعدج دايخه ??
علي،،ام كوثر سويلها شي تاكله اني طالع اذا صار شي اتصلو بيه
لجين،،احس نفسي فاصله عنهم مابيه اجاوبهم
درت وجهي للحايط وغمضت
نسرين جابت ريوگ شگد حاولت نسرين وياي بس مااكلت شي
بقيت اسبوع علئ هاي الحاله اذا ام حسين تحلفني بروح اهلي اكل لكمتين مو اكثر
جسمي ضعف وجهي صار شاحب
من اگوم للحمام ادوخ واحس الگاع تفتر بيه اريد اوگع
نسرين گالت ارجعي الدوامج حتئ نفسيتج تتحسن
بس بيا روح اروح للدوام واني اذا يجي الليل ذكريات اهلي كلها تهجم عليه مرة وحدة
كنت مددة بفراشي ومسافرة ويه ذكرياتي سمعت صوت علي بالباب يحجي بصوت عالي وامه تهدي بي
ماكنت مركزة بالصوت فجأة انفتح الباب ودخل علي اتقدم بااتجاهي بسرعه
سحبني من ايدي وگال
علي،،شوو گووومي لشوووف
لجين،،استغربت تصرفه ردت اوگف دخت ورجعت گعدت گتله عمو والله دايخخه
علي،،لجيين لشووكت تبقيين هذاا حالج عاازله نفسج ومنطووويه وحدج ومتقوقعه علئ نفسج بالحزن هااااا
عباااالج بسس انتي اهلج راااحو ??
اااني عمرري سنتين وخسرت ابوي ولهذاا يوممي اتحصر علئ ريحته واني زززلمه مشورب
وللج لوو تگعديين يووم واحد يميي بالمكتب وتشوفيين المصاييب مال العالم اني متاكد رااح تهون عليج مصيبتج
تدرين قبل چم يوم ابن قتل اهله وعمامه عايشين وياهم
30 نفر سكتهم بلحضه وحدة
وبعد وبعد وهووواي غيرهم مصايب مايشيلها العقل
ولج بابا كافي اصحي عاد موو شليتي حااالي
لجين،،جان يحجي بحرگه وامه واكفه بالباب تبجي وتمسح دموعها بشيلتها
كل مااحاول اوگف يختل توازني وارجع اكعد
علي، ،حجيه جهزيها اخذها الدكتور اختاص
مبين عدها فقر دم لان ماتاكل
لجين، اجت ام حسين ونسرين گادني للحمام ونسرين سبحتني استحيت منها بس مالي روح اعارض هو اني گوة حامله نفسي
كملت وطلعتني كعدتني ع السرير ومشطت شعري سوته ضفيرة
لبستني عابايه اسلاميه وحجاب وصاحت ل ام حسين تنطي خبر ال علي اتگله احنه جاهزين
