قصة النقيب ابو درع والقاصر
للكاتب علي الفتلاوي
،،،،،،،،،،،،.،،،،،،،،،،،،
لجين،،ثاني يوم گعدت ساعه 9لگيت ام حسين متريگه
يوميه اني اسويلها ريوكها
ليش خاله ماكعدتيني??
ام حسين،،ييمه هو استكان جاي عليمن اگعدج من نومتج وانتي ليل نهار تنضفين واتعبين بالبيت
لجين،،اتريگت وياها وبعدين صعدت للطابق الثاني اكيد علي رايح للدوام
دخلت نضفت غرفته وملابسه النازعهن نزلتهن حتئ اغسلهن
دخلت الغرفة نسرين من انتقلو خلينه بيها قنفات عدهم زايدة وتلفزيون رتبتها ماخليتها فارغه
والغرفه الثانيه كلشي مابيها
نزلت جوة ذكرت اليوم تجي ودق حضرت مواد مال الكيك اتصلت علئ نسرين تجي تساعدني
گالت بس يروح حسين للشغل اجيكم
وصدگ نص ساعه جابت اطفالها واجت
اتلكيتها والابتسامه علئ وجهي بس اشوفها ابتسم تلقائيا
شوفتها ترد الروح من تضحك وتبين رصعتها
اضل صافنه علئ خدودها
نسرين،،ماتذكريني اله لمن عندج سالفه صرت حافضتج حفض
لجين،،ههههههه لا والله بس مشتاقتلج
واليوم صديقتي تجي بليل هي وامها
گلت تبقين هنا لليل وعمو حسين نتصل بي يجي يتعشئ يمنه
ام حسين، ،هله بجنتي الجبيرة وام بيتي
ولج عمه والله مااعرف اكعد وجهالج مو يمي
الحوش وحشه عليكم بنيتي
نسرين،،لو بيدي مااعوفج ابد صارلي12سنه بهذا البيت عبالكم سهله عليه اعوفكم بس موبيدي حسين تدرون بطبعه ومااتحمل الوضع وانتي ادرئ بالباقي
لجين،،گعدنه كلنه بالمطبخ
ام حسين گالت طلعن اللحم البلمجمدة وسون كبه جمدنها
بدينه اني ونسرين نلف بالكبه كملناها وبدينه نسوي كيك
ماخلصنه لل 1الضهر كملنه وسوينه غدة
اتغدينه بس احنه الموجودين لان علي بليل يرجع
بقينه گاعدين نسولف ونظحك اخذتنه السوالف صارت الساعه 4 انفتح الباب ودخلت شيماء هي وامها واختها
كلنه اتفاجئنه بيها ع اساس تضل يم اهلها للاربعين
گمنه سلمنه عليها اخذنها وصعدن للغرفه مالتها
اني دخلت سبحت وطلعت كنت لابسه اتراك لون سمائي دخلت للغرفه مشطت وضفرت شعري وطلعت
رحت كعدت يم ام حسين ونسرين بغرفتها
وشيماء وامها واختها بغرفتهن فوگ مانزلن
ام حسين،،يمه بنياتي فشله خاف يضلن ع العشه
گومن شوفن شتسون الهن عشه من وكت
نسرين،،مايضلن عمه يردن يرحن قبل شويه صعدت يمهن اخذتلهن ماي وجاي وسمعت يگولن نريد نروح
