دخيل الله الزلم من تعشگ بلا راي
ماتفرق علئ الماخوذة فصلية 💔
،،،،،،،،،،،،،،،،،،،،،،،،،،،،،،،،
قصة النقيب أبو درع والقاصر
للكاتب علي الفتلاوي
،،،،،،،،،،،،،،،،،،،،،،،،،،،،،،،،،،،،
لجين،،اتمددت بفراشي غطيت راسي وغصيت بالبجي
والله لو مخدتي عدها السان جان صاحت الله واكبر من دموعج مايخلصن
دخلت نسرين ومن شافتني انصدمت كنت ابجي بحركة گلب
نسرين،،اسم الله الرحمن شبيج لجونه توج كلشي مابيج ?
لجين،،العبرة خانكتني مااگدر احجيلها جاوبتها وگوة تطلع الكلمه مني گتلها باجي بعدين احجيلج
عافتني وطلعت بعد ماحاولت تعرف شبيه وليش ابجي
لليل ماطلعت يمهم ابد دخلت ام حسين كالت اطلعي يمنه جاوبتها عندي امتحان صعب وكلت العصر مااشتهي بعد اكل
كنت احجي وياها وفاتحه كتابي ومدنگه مااريد تنتبه لعيوني المنفوخه من كثر البجي
صارت ساعه 10 بليل اخذت بجامه وابلوز اريد اسبح بالشته احب اسبح بليل وانام
اخذتهن ورحت للحمام سبحت وطلعت ميته برد
وغرفتي مابيها صوبه ارظيه صوبتها جداريه معلگه بالحايط
بس اكو صوبه ندفه عليها بالغرفه النگعد بيها
فتحت الباب ودخلت شغلتها وگعدت ادفه عليها
نشفت شعري ومشطته وسويته ضفيرة مابيه حيل اجففه بالسشوار
لبست كبوس مال التراك طفيت الصوبه وردت اطلع
صار بوجهي علي من شافني ضل يباوع بوجهي
اتقرب مني واني احس گلبي دگاته صارت تركض
صرت مااعرف شحس اتجاها من يفشلني اكرها
ومن يهتم بيه احبه
صار قريب مني كلش اني رافعه راسي اباوعله وهو مانزل عينه مني
رفع ايدة وقربها من عيوني وحجه بصوت هادئ
علي،،شبيهن عيونج ?
لجين،،دنگت وكتله مابيهن شي
ع اساس هو مايدري شبيهن حجيتها بگلبي
درت وجهي عنه وتوجهت الغرفتي وعفته واگف ابمكانه متفاجئ بيه اول مرة اتجاهله واتركه وراي
مرت الايام واني كلامي وياه علئ گد السؤال والجواب
حتئ من يقريني ابقئ مدنكه وعيني بكتابي
مرات اشوف اهتمامه واظح ومرات اگول ليش يكرهني وهيج يعاملني
مرت الايام والاشهر وصارت
امتحانات اخر السنه قريبه وجنت ليل نهار اقرة بغرفتي نسرين تقريني
طلعت للمطبخ لان جوعانه سويت لفة جبن وصبيتلي كوب جاي طلعت من المطبخ
صار علي بوجهي نازل من غرفته
