خانه خانه دورت روحي اعله كيف
ومامش انه
وحتئ ذاك الساكن مرايتنه شال
ومدري ياهو ال حط مچانه 💔
،،،،،،،،،،،،،،،،،،،،،،،،،،،،،،،،،،،،،،،،،،،،،،
قصة النقيب ابو درع والقاصر
للكاتب علي الفتلاوي
،،،،،،،،،،،،،،،،،،،،،،،،،،،
لجين،،علئ صوتها طلع علي وامه يركضون
وهي نايمه بالگاع لازمه بطنها وتبجي
واتگلهم هي دفعتني
علي گالها مووكت هلحجي شالها وحطها بالسيارة وام حسين خطيه ركضت لبست عبايتها واجت تركض لازمه جواريبها بيدها صعدت وياهم
اخذهم علي للمستشفئ واني رجعت دخلت للبيت جسمي كله يختض اشلون اتهمتني واني حتئ مو يمها ولاطخيتها
گعدت ع الكرسي بالمطبخ نزلت نسرين هي واطفالها يردون يرحون للدوام من شافتني اجت تركض
نسرين،،اسم الله ماماتي شبيج تبجين شصاير
لجين،،بجيت والكلمه گوة تطلع مني گتلها باجي وروح رهوفه ماطخيتها ولادفعتها هي وحدها وكعدت
نسرين،،بنيتي اهدي وفهميني شصار هبطتيني
لجين،،حجيتلها الصار اتفاجئت وحطت ايدها علئ حلگها
نسرين،،لتبجين حبيبتي لو مااعرفج جان گتلج انتي الدفعتيها
بس اني اعرفج شنو انتي واعرف شيماء وحقارتها
بس اريد افهم اذا هي حامل اشلون توگع نفسها ماخافت
علئ طفلها اكو ام تسوي سوايتها
يله حبيبتي گومي اني رايحه للدوام اودي الجهال واطلب اجازة وارجع
وانتي لتضلين هيج انشاءالله كلشي ماكو
لجين،،نسرين راحت للمدرسه واني بقيت علئ گعدتي احس گاعدة علئ جمر من الانتظار
بعد ساعتين رجعو بس الوجوه مگلبه كلهم
عمتي لازمه شيماء من ايدها
وعلي يمشي گدامهن ومبين اعصاب صاير
دخلت للبيت واني گمزت من مكاني اتلگيت ام حسين سالتها
ها خاله بشري خو الطفل مابي شي
سمعت علي ظحك ب استهزاء وگال
علي،،ليش هو منين اكو طفل
لجين،،باوعت ل ام حسين بصدمة گتلها شنو خاله مافهمت?
شيماء مدنگه والعيون حمر مافتحت حلگها بحرف
ام حسين،،ماكو حمل يمه الشهريه غايبه بسبب ارتفاع الهرمونات
وهي اعتمدت علئ تحليلها بالبيت ماراحت اخذت سونر لو حللت بالمختبر
هسه الحمدالله علئ كل حال ربج ستر
لجين،،جريت نفس براحة احس هم وانزاح عن گلبي خفت الطفل بي شي واني السبب
شيماء صعدت الغرفتها نامت واني دخلت الغرفتي بدلت ملابسي وطلعت لگيت بس ام حسين بالمطبخ تشرب جاي
وعلي رايح للدوام
