البارت 8
قصة النقيب ابو درع والقاصر
علي،،وشيماء شجابها للبيت ??
واول تالي تصعد تنضف غرفتي السنيورة
ام حسين،،لا يمه منو جاب طاري شيماء
مريتك الثانيه لجونه
لجين،،اول ماام حسين نطقت الكلمه هو غص بالماي وصار يگح بصوت عالي مختنگ والوجه احمرر
ونسرين ادگ علئ ضهرة واتكول
نسرين،،شجاج حجيه احجي تنحنحي دگي هورن
شبسرعه فجرتي القمبله بوجه المگدرود هههههههه
لجين، ،اني وام حسين وحدة صافنه بوجه الثانيه صح استحيت من گالت مريتك بس مافهمت كلام نسرين شتقصد بي
علي،،شنو سالفتج نبع الحنان اليوم مغيرة الموجه
لجين،،هو عافنه وطلع ونسرين مدري اشبيها كل شويه اطگها ضحكه وام حسين اتگلها
ام حسين،،خايبه هو انه شحچيت وصارلج ساعه تمزمزين خانگتج الضحجه (الضحكه)
لجين،،علي طلع هو وحسين مارجعو غير وقت العشه
اتعشينه وكملنه وكعدنه اني وام حسين ونسرين سوالف ام حسين حلوة تگعد تسولفلنه علئ سوالف قبل التفتتلي وگالت
ام حسين،،شوفي هاي انه خالتج گدامج تعبت وشبعت ضيم ومرار من عيالي ابو حسين اهله من الجنوب تركهم لجل الدراسه وعاش ابغداد من شافني اتقدملي وابوي قبل
بعد فترة امه اتمرضت واني جنت حامل بحسين بوكتها وامنيت امه يرجع ابنها يعيش يمها
اني هم ماگلت لا ومن اقترح عليه الموضوع گتله دامني احبك وين ماتروح اروح وياك
وصدك جمعنه غريضاتنه وسافرنه للجنوب عشت ويه
عيالي بس عمتي بعد فترة صارت زينه وراوتني النجوم بعز الضهر يروح ابو حسين للدوام يداوم بالجيش بحفر الباطن بوكت صدام مايرجع كل شهر لو اكثر
وامه اطبق بيه انواع العقوبات وبين كل حجايه اتصيحلي الفاهيه ردت بنت اخوي وانتي بت بغداد ضحكتي علئ وليدي واخذتني وكحات ماينخاف عليجن
خلتني احلب الهايشه واحش الزرع واخوفرة (تنضيف)
جنت مااحجي لبو حسين من يرجع اكول مرة جبيرة
بس بعدين من شافني اشلون احش ومكسور ضهري وبوكتها اني توني جايبه بيداء بنتي اخذنه وطلعني منهم
بنينه هذا البيت بس بعيد عنهم بمسافه ساعه
بعد عشر سنوات جان عمر علي سنتين واستشهد ابو
بس عشت بجال ويلادي من همه اصغار اسباع واعتمد عليهم
لجين،،تحجي وتمسح بدموعها بشيلتها
عافتنه وراحت اتنام خطيه كسرت خاطري
