البارت 11
قصة النقيب ابو درع والقاصر
قبل القرائه اضغطو النجمه حتئ تصعد القصه 😗
،،،،،،،،،،،،،،،،،،،،،،،،،،،،،،،،،
لجين،،اول مافتحت الباب صار بوجهي علي دخل وسد الباب وراه
علي،،شتسوين ??
لجين،،حجاها بصوت هادئ بس اني لزمتني الرجفه مااعرف ليش
حسيته صافن بعيوني اني بسرعه فتحت الباب ونزلت بس گلبي احسه يركض گدامي صح اخاف منه بس هاي اول مرة يكون قريب عليه الهلدرجه وكذالك اشوفه ينضرلي بهاي النضرة
دخلت غرفتي وسديت الباب رفعت اديه اباوعلهن اشلون يرعشن
بقيت شويه افتر بالغرفه بين ماهدئت بعدها اطلعت اكمل غسل الملابس بس المشكله كل مااشيل شغله توگع من ايدي من الارتباك
بعد نص ساعه رجعت نسرين بس من رجعت ماحسيت علئ رجعتها لحد مالگزتني بخاصرتي وفززتني
نسرين،،اووو اليوم وين صافن الحلو ??
لجين،،ها لا ماكو شي بس شوكت اجيتي
نسرين،،ههههههه مو اگلج شاردة وماتدرين بروحج
الشاغل بالج يتهنه عيني
لجين،،ومنو شاغل بالي ??
نسرين،،محد ياجلمه ردي المجانج خاف اكلچ واتبسطين واتگعدين لاقرايه ولاكتابه عود انجحي وبعدين اكلج
بس ولو انتي مطفيه يرادلج گلب مامدشن حتئ تفهمين
لجين،،ك العادة كلام نسرين الغاز عقلي وعمري مايستوعبنه
كملت ملابس وساعدت نسرين بتحضير الغدة
بعدها رجعت ام حسين هي وبناتها وجانن هواي متسوكات
ام حسين،،ولج خاله لجونه ابروح اهلج گلاص ماي فحط گلبي من التعب
لجين،،جبتلهن مي وانطيتهن وصلت ال هناء انطيتها بس
حتئ ماكلفت نفسها تاخذ الگلاص من ايدي
طلبت مي من بنت بيداء تجيبلها
ام حسين خزرتها وهي ابد مااهتمت اخذت علاليكها ودخلت الغرفت امها
اما بيداء فرشت الغراض بالگاع وتشوفنه اني ونسرين شنو جابت
ومنطلقه بالكلام والضحك ويانه
اخر شي طلعت دشداشه لون كريمي انطتها النسرين
وطلعت اثنين اتراكات يتشابهن لونهن زيتوني گالت
بيداء،،طبعا اول ماشفته معلگ بالمحل عجبني اخذة البنتي ومن اشتريته ذكرتج انتي وايات نفس الكبر اشتريتلج واحد الج اكيد يطلع كلش حلو عليج
يله گومي اسبحي ولبسي
لجين،،طبعا تختلف عن اختها اختلاف جذري ولاجنهن اخوات ذيج ماطايقه احد وهاي يعجبك بس اتگابلها وتگعد من طيب كلامها
