شويه شويه يتغيرون
مدري شمالهم ناسي 💔
، ،،،،،،،،،،،،،،،،،،،،،،،،،،،،،،،
قصة النقيب ابو درع والقاصر
للكاتب علي الفتلاوي
البارت ماقبل الاااااخير 😁
،،،،،،،،،،،،،،،،،،،،،،،،،،،،،
لجين،،تعبت نفسيتي اكثر واني اشوف الكل صارو ضدي
قويت نفسي ورحت الخالي وكفت كدامه
گتله خالو اني ماعدت طفله ومامجبور تتحملني
واني ادري انته مصدگ بالكلام
لذالك مااريد اثقل عليك اكثر وقررت اعيش بشقه من شقق ابوي الله يرحمه
اني جبيرة واصله السن القانوني الي يسمحلي بهلشي
ابوصابرين، ،اي مو هي هيته خالي خليها سكته انتي يم رجلج فشلتيني وخليتي وجهي بالكاع
انوب تردين تعيشين وحدج
لجين،،ششوف بعد من الضيم اذا خالي هيج يحجي
اختنگت اريد اجاوبه ضاع الكلام
كتله رحم الله والديك خالو اذا اني هيج بنضرك
تركته وطلعت من يمه صرت بس اسمع صوت مرته تعاتبه علئ طريقة كلامه وياي
والله اليتيم بهاي الدنيه ماله احد
دخلت للغرفه طلعت جنطتي وخليت بيها ملابسي
شسوي بعد گاعده هنا
لبست عباتي وحجابي اجت مرت خالي
حاولت رادت بس تريدني ااتراجع بس ابد
طلعت وهي مجلبه بيه خالي من سمع بطلعتي
اجه يمنعني
ابو صابرين،،اكعددي لجين وكافي فضايح وين تردين
??
لجين،،احس النفس نار اعصابي كلها تلفانه
جاوبته بدون مااباوعله
كتله اذكر عندي عم اولئ بيه اروح اتحمل الضيم والضرب يمه ولا اعيش بذله هنا يمك
تركته وطلعت اسمع بس حس عياطه والبنات ولا وحدة ادخلت يخافن من ابوهن
امشي بالشارع وابجي ومتلفلفه بعباتي
وصلت يم باب بيت اهلي رجليه ثكلن
وكفت بالباب البيت موحش بدون صحبانه اضلم
اتقربت بسرعه للباب وصرت ادگ علي بثنين اديه
واصيح بعلو حسي
يهلللل البيييت اطلعووو يغيااااب ااانه لجين يمممه افتحيلي بابااا حبيبي انذللليت عگبك
تعبت من الدگ ع الباب دنيا مغرب وبس اني واكفه برة
كعدت بمكاني ابجي متامله واحد من اهلي راح يطلع يشوفني وينكسر خاطرة عليه
بس وينهم همه تركوني وراحو
والله مرات اسمع كوثر ومحمد يصيحون لهلهم بابا وماما احسدهم احجي بكلبي اگول اشبعو منهم
اني ماشبعت من كلمت بابا وماما لسه بنفسي
مرات احس دماغي يفصل وعلئ ساعه اتخبل
ليش مااگدر حتئ ادافع عن نفسي
اكثر شي اكدر اسوي انو ابجي
يضيع حقي بسبب دموعي
يكولون التمر علي المصايب شخصيته تقوئ
بس اني شو بالعكس شخصيتي يوم عن يوم تضعف اكثر
