Unicode
ကျိုက်ခေါက်ဘုရားကိုရောက်တော့ ဒီဒီကသူ့
ပုဆိုးလေးကိုမကာ လှေကားပေါ်သို့ သူ့ဘာသာ
ထိန်းတက်နေသည်။တည်တံ့မောင်ပုဆိုးဝတ်ထားသည်ကိုမြင်၍
သူပါဝတ်ချင်သည်ဆိုလို့ လင်းပိုင်ပုဆိုးကို
ယူကာ ဝတ်ပေးထားရသည်။ရောင်ခြည်ဦးက
တည်တံ့မောင်အား ပြုံးစနဲ့နဲ့ဖြင့်ငေးကြည့်လျက်
ရှိ၏။"ဘုရားမှာဆိုတော့ ဦးတည်တံ့မောင်..ကျွန်တော့်
ကို မဆဲဘူးမို့လား""ခင်ဗျားအဲ့လိုပြောမှ ကျုပ်ဆဲချင်လာတာ"
"ဖေ၊ဒယ် ဉာဏ်ဉာဏ်ရာ၊ကွစ်ကီးစ်"
ဒီဒီက လှေကားထစ်၌ အမောပြေထိုင်ချလျက်
လက်ကလေးယပ်ကာ မြန်မြန်လာရန်ခေါ်တော့
သည်။သား၏ပုံစံမှာ ရွှေအိုးစည်ဆံပင်ကေနှင့်
ပုဆိုးသေးသေး၊အင်္ကျီအဖြူကလေးဝတ်ထား
သည်မှာချစ်စရာပင်။"ဒယ် ရုပ်ရုပ်"
ရောင်ခြည်ဦးကိုချီခိုင်းပြီးနောက် အရုပ်ဆိုင်တန်းများဘက်သို့ လက်ညှိုးလေးထိုးပြကာ ပူဆာ၏။
"ဘုရားပေါ်ကပြန်ဆင်းရင်ဝယ်ပေးမယ် okလား"
"ကေကေ။ဦးတော်"
ဘုရားပေါ်ရောက်သည်နှင့်ဒီဒီက ရောင်ခြည်ဦး
တို့ထက်အရင် ဘုရားကိုထိုင်ကန်တော့သည်။"ဦးတော်ဦးတော် စာတု.. စာတု"
လက်အုပ်လေးချီကာ မပီကလာလေးရွတ်လျက်
ရှိခိုးနေသည်။စာတုဆိုသည်က သာဓုပင်ဖြစ်လင့်
ကစား သားကသူသိတာကိုဆိုခြင်းသာ။"ဒီဒီက စာတုဆိုမှ၊Louisကိုတောင်သတိရတယ်"
"Louis"
တည်တံ့မောင်က နားမလည်ဟန်ဖြင့်ပြောတော့ ရောင်ခြည်ဦးကပြုံးစွာ ဒီဒီ့ဘေး၌ဝင်ထိုင်လိုက်
လျက်၊တည်တံ့မောင်၏လက်သို့လည်းဆွဲကာ
ထိုင်ချစေသည်။"Louisဆိုတာက ဒီဒီရဲ့အဖေ။မေချယ်ဆိုတာ
ဒီဒီရဲ့အမေ။ပြီးတော့ မေချယ်က ကိုယ့်ရဲ့အချစ်ဦးပဲ"နှုတ်ခမ်းငယ်ကလေးအားလှုပ်ကာ ပွစိပွစိရွတ်ဆိုကန်တော့နေသည့် သားကိုကြည့်လျက်
ရောင်ခြည်ဦးကပြောလာ၏။ရောင်ခြည်ဦးပြော
သည့် အချစ်ဦးဆိုသည့် စကား၏အသံမှာ
တိမ်ဝင်နေသည်။တည်တံ့မောင်စိတ်ထဲ၌လည်း ဝမ်းနည်းလာသည်။
YOU ARE READING
Don't Lie To Your Heartbeat(Completed)
Romance▫️❕Male pregnant မဟုတ်ပါ❕▫️ ❦{Own Creation}❦ Cover by Suyi ▫️❕Male pregnant မဟုတ္ပါ❕▫️ Start Date >>(9.10.2020) End Date >>(14.11.2020) Lily_Han🍀