Unicode
ကာလအားဖြင့် တစ်လကြာပြီးသည့်နောက်၌
လည်း ချစ်တယ်ဟုပြောသည့် သူမှာလည်းပြော
ဆဲဖြစ်သလို၊မချစ်ဘူးဟုပြောခဲ့သူကလည်း
ပြောမြဲသာပင်။"တည်တံ့..သားနဲ့ဆို ဘယ်အရောင်ကပိုလိုက်မလဲ"
အဖြူနှင့်အမည်း အစင်းများပါသည့်အင်္ကျီနှင့်
အဝါရောင်အင်္ကျီအား ယှဉ်ကိုင်ထား၍
တည်တံ့မောင်ကိုပင်မေးလာ၏။"ကျွန်တော့်သားက ဘယ်အရောင်နဲ့ပဲဖြစ်ဖြစ်
လိုက်ပြီးသားပဲ၊ဒီဒီ အဲ့ဒီထဲကဘယ်အရောင်ကို
ယူမလဲ""ရဲရိုးလ်စ်"
အဝါရောင်မှာ ဒီဒီအကြိုက်ဆုံးအရောင်ပင်ဖြစ်
လင့်ကစား အခြားသောအရောင်များနှင့်ယှဉ်လာလျှင် အဝါကိုသာ ရွေးချယ်တတ်သည်။"ဒါဆိုdaddy ပိုက်ဆံသွားရှင်းလိုက်ဦးမယ်၊
ဖေဖေနဲ့ခဏစောင့်နေနော်""ဉာဏ်ဉာဏ်ရာနော်"
ကောင်တာ၌ ရောင်ခြည်ဦးပိုက်ဆံသွားရှင်း
လျှင် တည်တံ့မောင်မှာ ဒီဒီ့ကိုချီထားလျက်ဖြင့်
ဆိုင်အရှေ့တွင်ရှိသည့် အရုပ်ဆိုင်ထဲသို့သာဝင်သွား
၏။"ဖေ ဘရူးရုပ်ကြိုက်ကြိုက်"
Stitchရုပ်သို့ လက်ညှိုးထိုးပြကာ အပြာရောင်
အရုပ်အား သားက ကြိုက်သည်ဟုပင်ပြောနေ
တာဖြစ်သည်။"ဒီဒီ ဘယ်အရွယ်အစားကိုယူမှာလဲ။
ဒီကအသေးလေးလား၊သူထက်ကြီးတာလေးလား၊ဒါမှမဟုတ် ဘေးနားကအကြီးကြီးလား၊ဘယ်တစ်ခုကိုယူမလဲ""အတုန်"
"အကုန်ယူလို့မရဘူးလေ၊သားစိတ်ထဲမှာတကယ်
လိုချင်တာကိုပဲယူ။ဒီဒီ့ကို ဖေဖေက မဝယ်ပေး
ချင်လို့မဟုတ်ဘူးနော်။သိတယ်မဟုတ်လား""အွန်း တစ်ထုရူ"
ထိုမှ တစ်ခုပဲယူတော့မည်ဆိုကာ လက်ညှိုးထောင် ပြလျက် သားကပြောလာ၏။အရောင်းဝန်ထမ်း
မှာ သူတို့၏သားအဖအနားသို့ရောက်မလာသေး
ဘဲ အခြားဝန်ထမ်းမလေးများနှင့်စကားလက်ဆုံ
ကျနေသည်။ဤသည်ကို တည်တံ့မောင်စောင့်နေ
သော်ငြား ဒီဒီကတော့ မျက်နှာလေးပင် စူပုပ်လို့
လာသည်။
YOU ARE READING
Don't Lie To Your Heartbeat(Completed)
Romance▫️❕Male pregnant မဟုတ်ပါ❕▫️ ❦{Own Creation}❦ Cover by Suyi ▫️❕Male pregnant မဟုတ္ပါ❕▫️ Start Date >>(9.10.2020) End Date >>(14.11.2020) Lily_Han🍀