မြတ်ဝန်းညီသည် ကားပေါ်တွင် အလိုမကျသော မျက်နှာဖြင့် ထိုင်နေသည်။ ပုံမှန်အားဖြင့် မြတ်ဝန်းညီသည် အပြင်ထွက်ရသည်ကို သဘောကျသူမဟုတ်ပေ။ ပိတ်ရက်များတွင် တစ်နေရာ၌ နေကာ အနားယူတတ်သော သူပင်ဖြစ်သည်။"ကိုကြီးနဲ့ သော်တာ သွားရင်လည်း ရတာပဲ"
"ညီညီကလည်း၊ တစ်ခါတလေ လိုက်ခဲ့ပါ"
ထိုဆိုင်သည် မြတ်ဝန်းညီတို့၏ မိသားစုပိုင် စီးပွားရေးလုပ်ငန်းတစ်ခု။ ဝိုင် နှင့်ပတ်သတ်ကာ ကျွမ်းကျင်သော အကိုဖြစ်သူ နေဝန်းညီ က မြတ်ဝန်းညီကိုလည်း သူနှင့်အတူ ထိုဆိုင်အား ဦးစီးစေချင်သည်။ သို့သော် မြတ်ဝန်းညီသည် ထိုစီးပွားရေးကို စိတ်ဝင်စားခြင်းမရှိပေ။ မြတ်ဝန်းညီ၏ စိတ်ပါဝင်စားရာသည် ပညာရေးသာဖြစ်သည်။
ဆိုင်သို့ ရောက်သည်နှင့် သော်တာက အရင်ဆုံးပြေးကာ ဆင်းသွားသည်။ ထို့နောက် ဆိုင်ထဲသို့ပြေးဝင်ကာ ဗီဒို အနားတွင် ဝိုင်ပုလင်းများကို ကြည့်နေတော့သည်။
"ဝိုင်တွေမှာ ဘာလီဝိုင် ၊ ဆန်ဝိုင်နဲ့ သစ်သီးဝိုင် ဆိုပြီးရှိတယ်၊ ဘာလီဝိုင်နဲ့ မုယောဝိုင်ကတော့ Alcohol ၈% ကနေ ၁၅% ထိပါတတ်တယ်"
သော်တာက ခေါင်းတညိတ်ညိတ် လုပ်ရင်း နေဝန်းညီ ပြောသမျှကို နားထောင်သည်။
မြတ်ဝန်းညီသည် လမ်းလျှောက်နေရင်း Sparkling Wine ဟူသော ဆိုင်းဘုတ် အောက်မှ ပုလင်း ကို မြင်သောအခါ ခြေလှမ်းတို့ရပ်သွားသည်။ လင်း ၏ အိမ်ကို ရောက်စဉ်က ထို ပုလင်းကို မြင်ဖူးသည်ဟု အမှတ်ရမိသော အခါ မြတ်ဝန်းညီက ပုလင်းတစ်လုံးကို လှမ်းယူလိုက်သည်။
"ညီညီ လိုချင်လို့လား"
"မဟုတ်ပါဘူး ဒီအတိုင်း ကြည့်တာပါ"
သော်တာက ချက်ချင်းပင် အနားသို့ရောက်လာသည်။
"အဲဒါ ဘာလဲဟင်"
"အဲဒါ Sparkling Wine လို့ခေါ်တယ်၊ ဝိုင်တွေထဲမှာ Red Wine , White Wine , Appetizer Wine , Sparkling Wine နဲ့ Sweet Dessert Wine ဆိုပြီး ရှိတာ ထဲက ဒါက စပါကလင်ဝိုင်၊ အနီရောင်စပျစ်သီးကို အဓိက သုံးပြီး ဖောက်ထားတာ၊ ဒီဝိုင်မျိုးထဲမှာ Champagne က နာမည် အကြီးဆုံးပဲ "