မြင့်မားလှသော မီးခိုးရောင်အုတ်တံတိုင်းများ ကာရံထားသည့် ခြံဝန်းအတွင်းသို့ မာစီဒီးကားနက်တစ်စီး ဝင်လာသည်။ခြံဝန်းကျယ်ကြီးထဲတွင်မူ နို့နှစ်ရောင် နှစ်ထပ်တိုက်အိမ်ကြီးသည် အုန်းပင်များ ခြံရံလျက် ခမ်းနားထည်ဝါစွာ တည်ရှိနေသည်။ အိမ်အဝင်လမ်းညာဘက်ခြမ်းတွင် စကျင်ကျောက်အဖြူနဲ့ ထုလုပ်ထားသော စားပွဲဝိုင်းကြီးသုံးဝိုင်း ရှိနေပြီး ပတ်ပတ်လည်တွင် ထိုင်ခုံအနက်ရောင်လေးခုံစီချထားသည်။ထိုစားပွဲ၏ဘေးနားတွင်မူ ပြာလဲလဲ့ ရေကူးကန်ငယ်ရှိနေသည်။ဤနေရာသည် ခွန်းမြတ်စံ၏ မိခင်ဒေါ်သီတာကြိုင်နှင့် သူ၏ မိတ်ဆွေများ ပါတီပွဲကျင်းပလေ့ရှိသော နေရာဖြစ်သည်။ မာစီဒီးကားအတွင်းမှ အသက်သုံးဆယ်ကျော်အရွယ် လှပတင့်တယ်သော အမျိုးသမီးတစ်ဦးဆင်းလာသောအခါ အိမ်အကူမိန်းကလေးသုံးယောက် အိမ်ထဲမှ ပြေးထွက်လာပြီး ခေါင်းငုံ့ကြိုဆိုကြသည်။
ဒေါ်သီတာကြိုင်......မြချမ်းသာ စိန်ရွှေရတနာလုပ်ငန်းပိုင်ရှင်ဖြစ်သည်။ထိုလုပ်ငန်းမှာ စင်စစ်တော့သူ၏အမျိုးသား ဦးသက်နိုင်အမွေရခဲ့သော ဘိုးဘွားမိဘပိုင်လုပ်ငန်းဖြစ်သည်။ဦးသက်နိုင်မှာ သင်္ဘော ကပ္ပတိန်တစ်ဦးဖြစ်သည့်အားလျော်စွာ ခြောက်လတစ်ခါသာ အိမ်သို့ပြန်လာနိုင်သဖြင့် ထိုလုပ်ငန်းကို ဇနီးဖြစ်သူအား လက်လွှဲထားခြင်းဖြစ်ပေသည်။
အိမ်ထဲသို့ဝင်လိုက်လျှင် မဟော်ဂနီရောင် တဖိတ်ဖိတ်တောက်နေသော ကြမ်းခင်းပေါ်တွင် တန်ဖိုးကြီး ရှေးဟောင်းကြွေအိုးများကို တွေ့နိုင်သည်။လမ်း၏ဘယ်ဘက်ဧည့်ခန်းကျယ်တွင်မူ လေလံအောင်ခဲ့သော တန်ဖိုးကြီးပန်းချီကားတစ်ချပ်ကို လျှောက်လမ်းဘက် မျက်နှာမူထားသည့် ဆိုဖာခုံ၏ အပေါ်တည့်တည့်တွင် ချိတ်ဆွဲထားသည်။ထို ဆိုဖာခုံတွင်အဘွားအိုတစ်ဦးသည် အဝါရောင်ကြောင်ကြီးတစ်ကောင်ကို ပေါင်ပေါ်တင်၍ ပွတ်သပ်ပေးနေသည်။
"အမေ...အမေ့မြေးကော''
အဘွားအို၏မျက်နှာသည် တစ်ခဏချင်းမှာပင် စိတ်ပျက်ဟန်၊အားမလိုအားမရဖြစ်ဟန်များဖြင့် ရှုံ့တွလာသည်။
YOU ARE READING
ငှက်ဖြစ်ချင်တယ် (completed)
Romance(Unicode+Zawgyi) ခွန်းမြတ်စံသာ လှောင်အိမ်ထဲမှငှက်ကလေးတစ်ကောင်ဆိုလျှင် တိမ်ယံမိုးသည် ငှက်ကလေးမသေရုံအစာကျွေးပေးသူနှင့်တူပြီး ရဲမာန်ကမူ လှောင်အိမ်တံခါးကိုဖွင့်ပေးနိုင်သည့် သော့တစ်ချောင်းနှင့် တူပေသည်။ ခြန္းျမတ္စံသာ ေလွာင္အိမ္ထဲမွငွက္ကေလးတစ္ေကာင္ဆိုလွ...