ေနွးထွေးလတ်ဆက်သည့် မနက်ခင်းနေရောင်ခြည်သည် မှန်ပြတင်းမှတစ်ဆင့်
နူးညံ့သော မွေ့ရာဖြူဖြူထက်တွင် အသက်ရူသံမှန်မှန်ဖြင့် အိပ်စက်လျက်ရှိသော ခွန်းမြတ်စံမျက်နှာပေါ်သို့ ကျရောက်လာသည်။ထို နေခြည်နုနုနှင့် တစ်ပါးတည်းပါလာသည်က သူ၏တစ်ဦးတည်းေသာ သူငယ်ချင်း တိမ်ယံ့အသံ စူးရှရှပင် ဖြစ်ေလသည်။"ခွန်းစံ ထတော့ကွာ။ကျောင်းနောက်ကျမယ်''
"အင်း..အင်း..ထပြီ''
အိပ်ချင်မူးတူးသံဖြင့် ပြန်ဖြေရင်း တစ်ဖက်လှည့်၍ ဆက်အိပ်ရန်ပြင်နေသော ခွန်းစံ၏နားတစ်ဖက်ကို တိမ်ယံ လိမ်ဆွဲလိုက်သည်။
"ခွေးကောင်...မင်းဒီစကားပြောနေတာ အခါတစ်ရာကျော်ပြီ။ထတော့ ဒီနေ့မင်းကျောင်းစောစောသွားပြီး ဝင့်ဝါနဲ့ တွေ့ရမယ်လေ''
ရှစ်တန်းနှစ်ကုန်ပိုင်း၌ ခွန်းမြတ်စံ စလိုက်ခဲ့သော ဝင့်ဝါခိုင်သည် ကိုးတန်းနှစ်စတွင် အဖြေပြန်ပေးခဲ့သည်။သို့သော် တိမ်ယံသည် ဝင့်ဝါခိုင်နှင့် ချစ်သူဖြစ်သည်ကို မည်သူ့ကိုမှ အသိမပေးစေခဲ့။ယခု ဝင့်ဝါနှင့် တစ်လတိတိတွဲပြီးမှသာ လင်းခန့်အား သိစေမည်ဟု ဆိုခဲ့သည်။
"အင်း..အင်း. ထပြီ။ခဏပဲ..ခဏ''
"ခွန်းမြတ်စံ''
တိမ်ယံ၏ နာမည်အပြည့်အစုံကို အံကြိတ်ခေါ်သံသည် အိပ်ချင်မပြေသေးသော ခွန်းမြတ်စံအား ငေါက်ကနဲထနိုင်အောင် လုပ်နိုင်စွမ်းရှိသည်။
ကျောင်းထဲသို့ ဝင်လိုက်သောအခါ တစ်ယောက်စီးဒန်းလေးပေါ်တွင် ထိုင်နေသော ဝင့်ဝါကိုတွေ့လိုက်ရသည်။ခါးကျော်ရှည်သော ဆံနွယ်များကို ကျစ်ဆံမြီးနှစ်ဖက်ကျစ်ထားသည့် ဝင့်ဝါသည် အမြဲလိုလို သပ်သပ်ရပ်ရပ်ဝတ်ဆင်တတ်ပြီး အနေအထိုင် သိမ်မွေ့လွန်းလှသည်။
"ဆောရီး ချစ်ရာ။ကို နောက်ကျသွားတယ်''
ဒန်းပေါ်တွင် တစ်ချိန်လုံး ခပ်တည်တည်ထိုင်နေသောဝင့်ဝါသည် ခွန်းမြတ်စံ အသံကို ကြားသောအခါမှသာ ချစ်စဖွယ်အပြုံးများ မျက်နှာလှလှလေးတွင် ဖြစ်တည်လာသည်။
YOU ARE READING
ငှက်ဖြစ်ချင်တယ် (completed)
Romance(Unicode+Zawgyi) ခွန်းမြတ်စံသာ လှောင်အိမ်ထဲမှငှက်ကလေးတစ်ကောင်ဆိုလျှင် တိမ်ယံမိုးသည် ငှက်ကလေးမသေရုံအစာကျွေးပေးသူနှင့်တူပြီး ရဲမာန်ကမူ လှောင်အိမ်တံခါးကိုဖွင့်ပေးနိုင်သည့် သော့တစ်ချောင်းနှင့် တူပေသည်။ ခြန္းျမတ္စံသာ ေလွာင္အိမ္ထဲမွငွက္ကေလးတစ္ေကာင္ဆိုလွ...