ခွန်းမြတ်စံသည် ခြေထောက်တုတ်တုတ်လေးနှင့် ပြေးနိုင်သမျှ ပြေးသောအခါ ဗိုက်ပူပူလေးက တတုံတုံနှင့် အထက်အောက် ရွေ့နေသည်။လွတ်မြောက်ခြင်းဟူသည့် ခံစားချက်....နန်းတော်အကျဥ်းထောင်ကြီးနှင့် ဝေးသထက်ဝေးလာရသည့် ခံစားချက်...အရှိန်တင်ပြေးလိုက်သောအခါ တစ်ကိုယ်လုံးကို တိုးဝင်လာသည့် လွတ်လပ်ပေါ့ပါးခြင်း၏ သင်္ကေတဖြစ်သော လေပြည်နုနု။အားလုံးစုပေါင်းလိုက်သောအခါ သည်ကနေ့သည် ခွန်းမြတ်စံ မျှော်လင့်တကြီး စောင့်နေခဲ့ရသော နေ့တစ်နေ့ဖြစ်လာသည်။
"ရား.. အနီကောင်ကွ''
အရိပ်အာဝါသကောင်းသော ညောင်ပင်ကြီး၏ အောက်တွင် တီရှပ်အနီဝတ်ထားသော ကလေးတစ်ယောက်သည် အမဲရောင် တီရှပ်နှင့် ကလေး၏ ခေါင်းသို့ လက်တစ်ဖက်ဖြင့်ရိုက်လိုက်သည်ကို ခွန်းမြတ်စံရပ်ကြည့်နေမိသည်။
"ဟားဟား...လာစမ်းပါ။ငါက အမဲကောင်...ရား''
အမဲကောင်လေးမှာ အနီကောင်လေး၏ ကျောဘက်သို့ လက်သီးခပ်ဖွဖွထိုးလိုက်သည်။
"ကိုကြီးတို့...သားလည်း ပါချင်တယ်''
"ဟာ ခွန်းမြတ်စံပါလား။သားအဖေပြန်လာပြီထင်တယ် ဟုတ်လား''
အနီးရှိ ကွပ်ပျစ်တွင်ထိုင်နေသောအဒေါ်ကြီးတစ်ယောက်က ခွန်းမြတ်စံအား မေးသောအခါ ခေါင်းလေးသာငြိမ့်ပြလိုက်သည်။ခွန်းမြတ်စံတို့ မိသားစုကို ရပ်ကွက်ထဲတွင် မသိသူမရှိ။ခွန်းမြတ်စံ၏ မိခင်သည် မတူသလို၊မတန်သလိုဆက်ဆံတတ်သော
ပုံစံကြောင့် ကြည့်မရကြသော်လည်း ဖခင်က ဖော်ဖော်ရွေရွေရှိခြင်းကြောင့်သာ အခေါ်အပြောလုပ်နေကြခြင်း ဖြစ်သည်။
အနီရောင်တီရှပ်နှင့် ကလေးက ခွန်းမြတ်စံ၏ပုခုံးပေါ်လက်တင်လိုက်ပြီး ကစားရန်ခွဲတမ်းချသည်။
"အေး..မင်းက အဖြူဝတ်ထားတာဆိုတော့ ပါဝါရိန်းဂျား အဖြူကောင်လုပ်။အမဲကောင်..မင်းက လူဆိုးလုပ်ကွာ။ငါတို့နှစ်ယောက် မင်းကိုလာချမယ်''
"အေး..လုပ်''
"ရား...ပါဝါရိန်းဂျားတွေ လာပြီကွ''
YOU ARE READING
ငှက်ဖြစ်ချင်တယ် (completed)
Romance(Unicode+Zawgyi) ခွန်းမြတ်စံသာ လှောင်အိမ်ထဲမှငှက်ကလေးတစ်ကောင်ဆိုလျှင် တိမ်ယံမိုးသည် ငှက်ကလေးမသေရုံအစာကျွေးပေးသူနှင့်တူပြီး ရဲမာန်ကမူ လှောင်အိမ်တံခါးကိုဖွင့်ပေးနိုင်သည့် သော့တစ်ချောင်းနှင့် တူပေသည်။ ခြန္းျမတ္စံသာ ေလွာင္အိမ္ထဲမွငွက္ကေလးတစ္ေကာင္ဆိုလွ...
