Billionaire Diaries #1: Gray Pereira

Chapter 4

NAHIGIT ni Agape ang hininga dahil sa kakaibang nangyayari sa pagitan nilang dalawa.

First time ko lang maging secretary, ganito ba talaga 'yun?

"Nevermind.. " agap nito kaya't taka siyang napatingin sa lalaki.

Nakita niya itong hinawakan ang kubyertos at inumpisahang kainin ang lunch na binili niya. Napakurap pa siya nang wala itong reklamong ngumuya.

Ang sabi ay hindi raw siya kumakain kapag hindi luto ng personal chef niya?

Nagkibit-balikat na lamang siya at iniwas na lang ang paningin sa lalaki. Siguro nga ay ganito lamang siya sa lahat. Hindi lang sa kanya.

HINDI siya umimik nang sabay silang natapos sa pagkain at ngayo'y magkatabi na sa private elevator nito. Ayos lang naman sa kanya kung nasa normal na elevator lang dahil doon naman siya madalas. Ngunit ang sabi ng boss niya ay marami pa siyang gagawin sa opisina. At kung sa public ay masyado lang siyang matatagalan.

"Agape!" rinig niyang tawag ni Kiko, isa sa mga empleyado sa marketing na naging kausap niya na rin sa mga nagdaang araw nang pamamalagi niya rito.

"May kailangan ka sa floor dito?" turan niya nang makalapit na ito sa gawi niya.

"Hinihintay talaga kita. Ang sabi ay galing ka raw sa cafeteria? Kaya't dito na lang ako naghintay. " sambit nito at tumango-tango naman siya.

Nakita niya ang boss niya na palapit na rin sa gawi nila matapos kausapin ng isang board member. Ibinalik niya na lang rin ang tingin kay Kiko na may iniabot na invitation sa kanya.

"Pumunta ka mamaya ha? Sila Clara rin ay pupunta. " anyaya niya at ngumiti naman siya.

"Sure! Yung bunso yung may birthday diba?"

"Oo, isang taon. Kaya't effort na effort si misis. " natatawa nitong sagot.

Natawa rin siya at bago pa man makapagpasalamat Kay Kiko dahil sa imbitasyon nito ay agad niyang natanaw ang boss niya na madilim ang mukha at walang bahid ng emosyon. Naglalakad ito papunta sa gawi nila ni Kiko kaya't agad niyang inayos ang tayo.

"S-Sir-

"I'm not allowing public display of affection in my company, Ms. Montrez.. " sabay tingin nito kay Kiko na katulad niya ay bakas na rin ang takot sa mukha.

"What are you doing here, Mr. Francisco?" usal nito habang nakatingin sa ID na suot ni Kiko.

"M-May ibinigay lang po ako kay Aga-

"Call her Ms. Montrez. " agap ng boss niya kaya't napapahiya namang napayuko si Kiko. Tumikhim siya para maagaw ang atensyon nila ngunit hindi man lang natinag ang boss niyang seryoso paring nakatingin sa kaibigan.

"Sige, pupunta ako Kiko-

"Mr. Francisco.. " singit nanaman ng boss niya kaya't napabuntung-hininga na lang siya.

"Pupunta ako sa birthday ng anak mo, Mr. Francisco.. " pagdidiin niya pa sa huling salita. Ramdam niya ang pagtingin ng boss niya nguni't hindi niya iyon pinansin at tinapik lang ang balikat ng kaibigan. "Sasabay na lang ako kila Clara mamaya. " dugtong niya pa.

"Aasahan ko yan ha, Ms. Montrez?" pagdidiin rin nito sa pangalan niya kaya't palihim siyang natawa.

Nang makaalis si Kiko ay mahinahon naman siyang tumingin sa boss niya.

"Pasensya na sa nangyari, Mr. Pereira.. " sinadya niyang gamitin ang pangalang iyon. "Hindi na po iyon mauulit.. "

The man just shrugged and put his sight to the sideways. Natahimik na lang rin siya at kunwaring may kinalikot sa phone niya.