في جامعة القاهرة
كانت ديما و ندي قد أخذوا جميع محاضرتهم و انتهوا و جلسوا يرتاحوا في الكافيتريا
ديما بتعب : أما يوووووم
ندي : يخرب بيت ام اللي عايز يتعلم يا شيخة
ديما بتعب : بقولك انا لو قعدت ثانية هنام بجد تعالي نروح بقي
ندي : وانا اقسم بالله يلا بينا
وقفت ندي و ديما و خرجا من الكافتيريا و لكن شاب ما خبط ندي و وقعت كتابها علي الارض.
ندي بغضب : مش تحاسب يا اخ انت
استدار الشاب و لم يكن سوي .
ندي بصدمة : آسر
آسر بصدمة : ندي
ندي : بتعمل ايه هنا ، معقول تكون لسا بتدرس
آسر : بدرس ايه يا هبلة انتي انا عندي 29 سنة اكون بدرس ، و بعدين لو كنتي سمعتيني في العربية كنتي فهمتي
ديما بمرح : ايه يا دوداا مش تعرفينا ولا ايه
ندي : هههه اكيد اكيد ديما نصار دا آسر مدحت ، آسر مدحت ديه ديما نصار ، وانا ندي نبيل اتشرفت بمعرفتكم هههههه
ديما : ايه دا دا آسر
ندي : اه شوفتي اللقاء الهن..
كانت ندي ستتكلم و لكنها وجدت فتاة تقف خلف آسر و علي وجهها ابتسامة جميلة علي حديثهم المرح
ندي باستغراب : مين ديه ؟!
آسر : اه صح ديه أميرة شغالة عندي في الشركة و بنجيب السي ڤي بتاعها من هنا
ديما : ازيك يا اميرة ، انا ديما اتشرفت بمعرفتك
أميرة بابتسامة : وانا اتشرفت اكتر
ندي بمرح : و انا ندي طبعا سمعتي الحوار خشي معانا يلا
آسر : حوار ايه انا عمر هيشعلقنا ليقولي اتحمرشت بالبت ولا حاجة هههههه
ندي بمرح : اشتاا يلا باااي
آسر : هاتي رقمك يا ندي
ندي بسخرية : ليه هتتجوزني هقهقهقهقهق
آسر بستهزاء : لا هشحن لك رصيد ، ما تنجزي
ندي : اسفة والله مش بدي رقمي لحد غريب و خاصة انت بس علي العموم يا استاذ أسر اتشرفت بمعرفتك و اه خد عندك 010****
آسر : هههههه مجنونة اقسم بالله
أما علي الناحية الأخري ..
ديما بهمس الأميرة : بتفكري في اللي بفكر فيه
أميرة بهمس : يا نهاري كابلز قمرر
ديما بهمس : ههههه لايقين علي بعض لا و كمان التفاهة بتجري في دمهم
أميرة بهمس : حصل ياماا هموووت ههههه
YOU ARE READING
أحبَبتُ طِفلَة
Romanceاحبها منذ طفولتها و تعلق بها ، حتي أخذها أهلها بعيداّ عنه لسنوات عديدة ، حتي أتت في يوم و تعينت في شركته ، فعرفها عن ظهر قلب ، فهل سيتركها ترحل أم أن عشقه سيفوز ❤️. احببت طفلة ❤️ بقلم : فريدة حسن . السرد فصحي و الحوار بالعامية المصرية . صدرت في 2021...