بسنت بصدمة : ايه ؟!
محمد : اتصلي باحمد يجي ياكل السمك اللي من ايدك دا
بسنت : بص انا ..
محمد : انا عارف كل حاجة يا بسنت ، احمد من اول كلمة بينك و بينه جيه و قالهالي و اي حاجة بتحصل بيجي يقولها انا فرحان منه بجد الشباب اللي زيه مش في اليومين دول بس انتي اللي خيبتي ظني
بسنت : والله يا بابا انا كنت هقولك بس يعني عادي هو زي اخويا مش اكتر صدقني
محمد : اخوكي ؟! امممم خلاص انا هقوله انك بتعتبريه أخوكي مش اكتر اصل هو اتقدم لك و ..
بسنت مسرعة : لا لا انا موافقة طبعا و انا الاقي زيه فين و بعدين الشباب اللي زيه اليومين دول مش موجودين ( و قلدت صوت و حركة ابوها بمرح )
محمد : هههههه يبقي علي بركة الله اتصلي بيه بقي يجي يتغدى معانا
و اتصلت بسنت باحمد و أخبرته بكل شيء مع عدا موافقتها عليه بالطبع ثم صعد و تناول معهم الطعام و قام احمد والد بسنت بفتح موضوع الزواج و أخبره بموافقة بسنت و اتفقوا علي يوم الخطوبة يوم الجمعة القادمة ...
___________________________________
رجعت أميرة الي بيتها فوجدت اسماء و سمر و الحديدي ( والدتها و زوجة عمها و جدها ) يجلسون و علامات الغضب علي وجه جدها و القلق علي وجه اسماء و سمر ...
أميرة لنفسها : ربنا يستر طلع لنا باي المرة ديه
أميرة ؛ أحم السلام عليكم
الحديدي بغضب : انتي فين من امبارح
أميرة : كنت بايتة عند واحدة صحبتي
الحديدي بغضب : بقالي اسبوع مش بشوفك يا بت ابني انتي و البيه اللي فوق ايه اشغاال
أميرة : يا جدو معظم العمال خدو إجازة عشان المصيف و كله بيطربق عليا انا و عمر و انت عارف
الحديدي : اطلعي صحي البيه اللي فوق
أميرة : حاضر
صعدت أميرة الي غرفة عمر و دقت الباب لم تجد رد ففتحت الباب ببطئ ثم وجدت عمر نائما بحذاءه و ملابسه شعره مشعث حتي لم يتغير ملابسه و يظهر عليه التعب الشديد ، فذهبت إليه و خلعت له الحذاء و ايقظته ...
أميرة : قوم يا عمر جدك عايزنا
عمر بنعاس : خيير
أميرة ؛ لا متقلقيش مفيش خير شكله ناوي لنا علي خبر تاني ولا هو هو بتاع الجواز
بعد دقائق نزل عمر و أميرة إلي الأسفل و وقفا أمام جدهما
الحديدي : ايه مش عارف اقولكوا كلمتين الاقي دا بيجري و مش سامعني ديه تقوم من علي الفطار جري و في نصاص الليالي ملكوش كبير
![](https://img.wattpad.com/cover/258888060-288-k924499.jpg)
YOU ARE READING
أحبَبتُ طِفلَة
Romanceاحبها منذ طفولتها و تعلق بها ، حتي أخذها أهلها بعيداّ عنه لسنوات عديدة ، حتي أتت في يوم و تعينت في شركته ، فعرفها عن ظهر قلب ، فهل سيتركها ترحل أم أن عشقه سيفوز ❤️. احببت طفلة ❤️ بقلم : فريدة حسن . السرد فصحي و الحوار بالعامية المصرية . صدرت في 2021...