#ما وراء الأبواب
#الكاتبه زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
اضمهن بالكلُب
بَس عيّني تحِجيهن
اللِي يلجمني العصُر
باليل اغنيهن .
~~~~~~~~~~~~~~~~~~~~
وصلنه للبيت وخلص اليوم بليل كاعدين بالحولي نسولف وما نسمع بس صوت عياط كلها طفرت الصوت جاي من جوا عالي
نزلنه واشوف عمي لازم مرته من شعرها واكع كتل بيها وجهالها يبجون ويباوعون من بعيد
سلام راد يروح الهم لزمه حسام وخزره
حسام بهمس : معلينه احنا اوكف
الحجيه : اي بعد ايدي اكتلها أدبها
حسام بهمس : ايباااه هسه صارت أدبها جا مو هاي عزيزة كلبها جنتها الحبيبه
ليا : يا حبيبه صارت مطي مربوط
حسام : اتفق وياج صايره اصنفين ولج
ليا : اذا مكابلتك النهار كله شتريد اطلع دكتورة اسنان
بحر : يمعودين وكت سوالفكم وشقاكم حسام روح خلصها من ايده خطيه راح تموت شوف جهالها فرفحو من البجي
حسام : شعلينه احنا ما ندخل امور عائليه
نزلت امي تركض على الصوت من شافتهم هيج واحنا واكفين على صفحه راحت تحجي ويا عمي يعوف زوجته راح حسام وراها جرها من يمهم
حسام : يمه شعليج انتي بيهم امشو نصعد يلااا
ناز : ولك يمه خل افتهم شبيهم ليش هيج يضربها
-ولج انتي وتالي وياج والله موتيني بزعتيني شتردين فهميني شتردينننننن
الحجيه : كحب..ة بت شوارع ولج انه اطردين ولدي من بيتي تردين تكرفيني وتاخذين البيت الج وجه الفكررر انتي وابوج تفترون تردون تاخذووون بيتي
-الله يخلصني منكم الله ياخذني واخلصص
حسام بهمس : شلون بيت بعد طي......
سلام : ما اسمحلك هذا بيت بيبيتي صاير ركن بالمنصور مشوف الناس كاتله نفسها عليه
حسام : خب الساني زفر اسكت مني انت الفطير
ليا : حسام ادخل احجي شي شوفها ماتت بيده
ناز: اي يمه خطيه جهالها فرفحووو من البجي
حسام : أستغفر الله
راح يمهم وجر مرت عمي من جوا ايدي
عمي صارت على صفحه
حسام : كافي راح تموت نوب تدخل سجن وجهالك يتربون بشارع لان مثل متعرف خوتكم خوت يوسف محد طايق جهال الثاني مو نوب يربوهم كافي عوف المره بحالها
سلام بهمس : احمسه بعرها وعلي
بحر : راد يكحلها عماها
وسام : فطس بالسالفه كلها
أنت تقرأ
ما وراء الأبواب
General Fictionچـنت اظنك چـنت اظنك توگـــــــــف ابوجه الوكت واتنشف الدمعه ابجفنها وا چـنت اظنك بالمحبه الفاجده اوحنت لابنها ثاري ســــــچـينه خواصر
