#ما وراء الأبواب
#الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
خِذني يمَّك
گبُل لا يخلص صبُرنه
ويطفىٰ دَم وجُوهنه وتِطلع صفرً
خِذني يمَّك
بعَد ما ضل كُل عِذر لا تِعتذر
خِذني يمَّك
گبُل لا يَم الصُفر ينحَط صُفر
~~~~~~~~~~~~~~~~~~~
شمس
طلع يركض لبست شالي وطلعت وراه الولد كلهم لكيتهم واكفين اباب غرفة عمتي دخلت ورا سالم واشوف ليا
نايمه بالكاع والكاع متروسه دم حسام حاطها بحضنه ويبجي سالم وكع بالكاع كبالهم ويباوع عليهم مصدوم
ركضت جريتها من حسام واعيط بيها فاقده
شمس : ليااااااااا كومووو ليااااا
رفعت راسي كلهم صافنين بوجهي عطت بيهم
شمس: شكو صافنيننننن ما تتحركون راح تموت البنيه
سلام : جيبيهااااااا
ركض سلام شالها وبحر ركض شغل السياره طلعت وراهم جريت عباية عمتي ومشيت صعدت وياهم بالسياره
سلام : خليها بحضنج شمس
شمس: جيبهااا
خليت راسها بحضني وراح صعد بصف بحر وساق طول الطريق ارجف وادعي ما يصير بيها شي دك تلفون سلام
سلام : الو ها حسام .. أخذناها المستشفى الكاظمية ... بعدنه ما واصلين ... شكو اصيح هسه ... اي شمس ويانا
سد الخط وعاط ببحر
سلام : دمشي سريع شبيككككك
بحر : سلام بس اسكت جاي امشي اثمانينننن يعنى اطيرررر خوما اطيررر
شمس: صلو على محمد يمعودين مو وكت صياح هسه بس بحر فدوه استعجل دمها خلصص
بحر : شمس اضغطي على ايدها حييلللل
سويت مثل مكال وضغطت على ايدها راسها بحضني وجها اصفررر وشعرها مخربط على وجهاا تحسها ميته للحظه تخيلتها ماتت وراحت هيه هم
دموعي توكع على وجها وارجع امسحهن وصلنه للمستشفى نزل سلام شالها وراح دخل للمستشفى يركض بيها ركضت ورا وبحر راح يصف السياره اخذوها من ايد سلام دخلوها طوارئ
كعدنه اباب الغرفة ننتظرها رحت كعدت بالكاع روحي رايحه وابجي عليها سلام يفتر فوك راسي رايح جاي
شوي واجا بحر ويا سالم وحسام و وسام يركضون سالم من شافنه هيج وكف بمكانه عباله بيها شي
حسام : شكوووو ليش تبجي شمس
سلام : ماكو شي اخذوها دخلوها جوا يخيطون ايدها
وسام لزم سالم وجابه كعده على الكراسي الموجوده التفتلي حسام
حسام : ليش كاعده هنا كومي اكعدي على كرسي
أنت تقرأ
ما وراء الأبواب
General Fictionچـنت اظنك چـنت اظنك توگـــــــــف ابوجه الوكت واتنشف الدمعه ابجفنها وا چـنت اظنك بالمحبه الفاجده اوحنت لابنها ثاري ســــــچـينه خواصر
