#ما وراء الأبواب
#الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
وعَلى غيّرك چِذب ماترهُم الروُح
ومنو غَيرك يسَد حاجة نضَرنا ؟
يـَ أبن الناس غيَرك ماكو موضُوع
وهَـلبِت بالچذب شخَصك ذِكرنا
نسولِف بيك لأخر لحَظة بـَالليل
وتِرد مـِن الصُبح تشغُل فِكرنا
لـ چبَار رَشيد .
~~~~~~~~~~~~~~~~~~~
اخذني وطلعنة برا جنت فرحانة واحس الكاع ما شايلتني من الفرحة بس يا فرحة ما دامت
تلاكيت ويا نسرين وجه بوجه جانت لابسه فستان فاضح ولازمة ايد رجال اول مرة اشوفة
بسرعة اختفت ضحكتي هية شافتني عبرتني وراحت بقت عيني عليها حسيت على ايد تجرني التفتت سلام لازم ايدي ويمشيني
سلام : اششش ديري بالج تبجين وامشي احنا جاين نفرح بنجاحج مو حتى تبجين
هزيت راسي ومسحت دموعي رحنه كعدنه على طاولة بعيدة شوي عن الناس صايرة بالاخير
سلام : شتحبين اطلبين
شيار : بكيفك
سلام : شحجيت مو كلت جاين نفرح بنجاحج شكو كلبتي وجهج ؟؟
شيار : خل نرجع للبيت
سلام : شيااار
شيار : عمو فدوة رجعني للبيت ما اريد ابقى هنا احس اختنكت
فرك وجهة وكام أشرلي اكوم
سلام : امشي
كمت اجا جر ايدي واخذني وطلعنه من المطعم راح جاب السيارة من الكراج واجا صعدت وهو شحط السيارة يمشي سريع
نزلت الجامة وطلعت راسي جانت الدنيا لليل والهوى يضرب بوجهي دموعي صارت تنزل وتحرك خدي
معقولة وصل بيها الحال الهل درجة ؟؟
تشوف بنتها وتعبر وتكمل طريقها عادي ؟
وعبالك مشايفتني !!
جريت حسرة وشهكة
سلام : هسسسسة شكوووو تبجيننن شنو مثل الامهات الزينات واكلج اي ابجييييي عليها ترا امج وحده
قطع كلامة وضرب الاستيرن حيل
سلام : استغفر الله ربي كافي اسكتيييي
مسحت دموعي وسكتت رجعت راسي ليورا
شيار : عشت كل عمري وحيدة بالبيت وخارج البيت الهل يوم واني ماعندي صديقه احجي وياها واشكيلها جانت شذر مو بس اختي
جانت صديقتي وبير اسراري الانسانه الوحيدة
الاكول عليها جانت من صدك أم الي
بس شنو صار نسرين حتى شذر بعدتها عني وخلتني وحيدة كل الصار ويانه هوو بسبب امي اااااخ ااااخ لو جانت صدك تستاهل تكون ام خسرت ابنها وبتها وبعدها ما تااااااااااااااااابتتتتتت
أنت تقرأ
ما وراء الأبواب
General Fictionچـنت اظنك چـنت اظنك توگـــــــــف ابوجه الوكت واتنشف الدمعه ابجفنها وا چـنت اظنك بالمحبه الفاجده اوحنت لابنها ثاري ســــــچـينه خواصر
