#ما وراء الأبواب
#الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
چنت خايف مِنها تمطُر
وهسَة مُطرت
والحَنين يريد أديّك
وإنتَ غيرت الأماكِن
گلي هسَة شلون أجيك ؟
~~~~~~~~~~~~~~~~~~~
ليا
فتحت عيوني ضوى قوي صار على عيني اسمع صوت يصيح
بسام : ماما كعدتت
ناز : ها يمه شلونج اسمعيني لياا
اسمعها بس ما اكدر احجي احس روحي مبنجه رجعتلي نفس الحالة
ناز : روح صيح الدكتورة اركض يمه
صرت اغمض وافتح عيوني بثكل امي واكفه ومبين الخوف بعيونها حجيت بصعوبه أطمنها عليه
ليا : مـ مـا بـ بيه شـ شي
ناز : كسر بيده ان شاء الله سوده عليه
-شنو كعدت
ناز : اي كعدت كوه تحجي
-الحمد الله لا تخافين خاله هاي لان جانت نايمه وقت طويل هسه شوي شوي تستعدل وتصحصح
ناز : رحم الله والديج بنيتي
-حبيبتي خاله ما بيها بس العافيه راح ابدل الها المغذي وبس يخلص تكدرون اطلعوها
ناز : الله يحفظج الشبابج ان شاء الله
-تسلمين خالة
بسام : شنو حجت وياج يمه
ناز : كالت ما بيه شي بس متكطع كوه ينسمع صوتها
بسام : خابرت سالم وكتله ليا بالمستشفى
لطمت على وجهه
ناز : صخام وجهك منو كلك خابره هسه يجي يتعارك ويا ابووك ليش يمه بسام هيج سويت
بسام : شمدريني يمه اني من شفت ليا بهاي الحاله خفت يصير بيها شي كلت لازم اخابر سالم
ناز : وشكال
بسام : عاط وسد الخط بوجهي ما افتهمت من عنده شي
بقو واكفين فوك راسي الحد ما خلص المغذي
ليا : بسام صيحها تجي تشيل المغذي ايدي تعبت
بسام : هسه
راح وبعد ما رجع وهاي موتتني ايدي اثنينهن مشكل بيهم كانيولات بعد ما شايله الاولى اجتني الثانية ديلا بله هذا هم حضي
طول بسام يلا رجع اول مدخل ردت احجي بس قاطعني صوت سالم وهو يدخل للغرفة شافني فتح عيونه على وسعهن حتى خفت من منظره
دخلو ورا حسام وأسر نفس حالة سالم وكفو مصدومين شكيت اكو شي بوجهي حتى هيج نصدمو
غمض عيونه سالم وتقرب يمي لزم ايدي باس مكان الكانونه وجر راسي باسه
ليا : ما بيه شي والله
أنت تقرأ
ما وراء الأبواب
General Fictionچـنت اظنك چـنت اظنك توگـــــــــف ابوجه الوكت واتنشف الدمعه ابجفنها وا چـنت اظنك بالمحبه الفاجده اوحنت لابنها ثاري ســــــچـينه خواصر
