ما وراء الأبواب

part_47_

#ما وراء الأبواب
#الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

هلي وناسي وحزن گلبي
ومواويل وشعر شعبي
ورصاص احمر ترس گلبي
قصايد؟  والعمر چلمهَ
وحبيبهَ وكيف والبيه تعب منكُم
ما شلتو للگمر وياي ؟
ما غنيتو للسچه البعيدهَ وياي
بديت اكرهه منايركـم ولا احُبكم
غريبه ابعيني اساميكم
عُمري الراح مذبوح بجناسيكـم

~~~~~~~~~~~~~~~~~~~

بدون ما احس على نفسي جريت السجينة ودخلتها برقبتة من ورا بسرعة وكع بالكاع تمدد وهذا صديقة جان بالكاع كاعد بقى صافن عليّ اباوع الدم ترس الكاع ايدي صارت ترجف كلها دم

شيار : عـ عمررر

التفت صديقة علية
-هاي شسويتي

شيار : مـ مـو أنـ أني

عفتهم والتفتت على باب المطبخ الخارجي جان
مفتوح خليت وطلعت اركض فتحت باب الشارع ومشيت ما اعرف وين اروح

شيار : مـ مو اني مو اني

اتلفت وأمشي سريع الدنيا لليل منو يطلع هيج وقت ما اعرف شسويت بنفسي ركضت اعبر الشارع وما اسمع بس صوت هورن عالي ...

-هسة شنو تروح لو لا

سلام : وخر مني حازم تعبان مابية حيلك

حازم : بداعة الخوى سيدي كوم والله كتلني الجوع

سلام : روح اكل طماطة وخبز احد لازمك

حازم : بطني راح تخضر من الطماطة سيدي فدوة العينك دكوم انجيب لفات ونجي على السريع

سلام : أستغفر الله شكد تلح كوم يابة كوم فضني

طفر بسرعة
حازم : بروح أبيك ؟

سلام : امشي لا اكعد

حازم : لا لا امشي بس اجيب السيارة واجي

راح جاب السيارة واجا صعدت وهو شغل
المسجل وساق سريع
سلام : خفف يابة منو يركض وراك

حازم : سيدي هاي شمرت ايدي شسوي

سلام : ميخالف لازم تتعود تخفف كلشي يصير يطلع طفل يركض كدامك لا سامح الله يصير وياك قدر

حازم : والله سيدي احاول اخفف بس ما اكدر مو بيدي

سلام : حاول حاول شو طلعت منا ؟؟

حازم : محد مفتح هسة بس مطعم السيد

سلام : جا من تعرف محد مفتح شكو مطلعنة بنص الليل ومطعم السيد هسة منو يكول مفتح

بعدة يريد يحجي وداس بريك بسرعة بنص الشارع وكعت بنية كدام السيارة بسرعة فتحت الباب ونزلت عليها