#ما وراء الأبواب
#الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
وارجوك
لا تنزعج من كلبي وعناده
سيد وحبك بعد
حاجبني عندك خلك
يتحمل الساده
~~~~~~~~~~~~~~~~~~~
شمس : شلون صرتي
ليا : احسن
كوثر : اسويلج شوربة
ليا : عاشت ايدج ما اشتهي
اخذت بطل مي وعافتنه وصعدت
حُذام : سودة علية رجعت انتكست حالتها بسبب عمامها
كوثر :اي خطية صار الها اربعة ايام على هل حالة الله لا يوفقهم
شمس : حسبي الله ونعم الوكيل بيهم
سلام : شمس بلا زحمة عليج تعاي شوي
شمس : اي اجيت .. كوثر الزمي أسر اشوف سلام شيريد واجي
كوثر : جيبي يمة فدووة شنو هاي الخدود ولك
عفتهن وطلعت رحت السلام جان واكف قريب الدرج
شمس : ها سلام محتاج شي
سلام : اي والله شسمة شيار ما جايبة وياها ملابس
هزيت راسي بسرعة وابتسمت
شمس : سهلة هسة اجيب الها ملابس من عندي
سلام : رحم الله والديج والله ما اعرف شكاج
شمس : شسالفة خوية هنه ملابس
سلام : الف رحمه على اهلج اني ردت اشتريلها
بس صار عندي شغل مهم
شمس : على راحتك خوية اروح اجيب الها الملابس واجي
سلام : عاشت ايدج أم أسر ولو راح ازاحمج بس انتي صعديهن الها بطريقج اني اريد اطلع مستعجل
شمس : هاي هيه توكل اني اخذهن الها
سلام : ممنون منج أم أسر ما اوصيج بعد عينج عليها
شمس : بعيني
راح واني رحت اخذت ملابس من كنتوري وصعدت
الها دكيت الباب شوي واجاني صوتها
شيار : ادخل
فتحت الباب ودخلت جانت واكفة وجها احمر
مبين جانت تبجي ابتسمت بوجها
شمس : هلاوو ادخل ؟؟
شيار : تفضلي ادخلي
شمس : حبيبتي هاي ملابس الج مملبوسات شوفي بعدهن بعلامتهم
شيار : شكراً ليش تعبتي نفسج
شمس : لا ولو تدللين حبيبتي والحمام هذا برا اول مطلعين كدامج يصير
شيار : تسلمين
شمس : ولو تدخل مني بس ليش جنتي تبجين ؟
شيار : تذكرت اهلي
أنت تقرأ
ما وراء الأبواب
General Fictionچـنت اظنك چـنت اظنك توگـــــــــف ابوجه الوكت واتنشف الدمعه ابجفنها وا چـنت اظنك بالمحبه الفاجده اوحنت لابنها ثاري ســــــچـينه خواصر
