#ما وراء الأبواب
#الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
هزنهه الهوى لكبور اهلنه
البيهم الغيره والمحنه
يردون لو نكطع الضنه
عن لسان سالم يكول
جيتـگ يـلب الگـلب جـيتگ
وفرش وصـل دمـعي ثنيتگ
نـفس الـهلا لباب بيــتگ
كـتلي هلا بس ما لگيـتگ
~~~~~~~~~~~~~~~~~~~
كلهم التفتو عليها
سالم : ليش ؟؟
ليا : اريد ازور أسر ترررا كلكم جاي ترحون اتزورو
واني ما تاخذووني
اختنكت بالكلمة وبجت
حسام : غير نخاف عليج تتعبين من الطريق حبيبتي وانتي مريضة
ليا : ما اتعب باجر اريد اروح واذا ما تاخذوني اروح وحدي وتعرفوني مخبلة اسويها
سالم : حتى رجليج اكسرهن
ليا : ميهمني حجيت العندي والله العظيم وروح
ما كملت خنكتها الغصة خلت ايديها على وجهة وبجت بصوت عالي طفر حسام اخذها بحضنه
حسام : اششش هاي هية باجر اخذج بس لا تبجين فدوة اروحلج تمردين كلبي من اشوفج تبجين
ليا : حسام مـ ما اكدر أنـ أنسى
حسام : محد من عدنه نسى حتى انتي تنسي وحق الخلقج ما يفوت يوم اذا ما تجي ابالي ضحتكة كلامة سوالفة ولج هذا اخووونه تعرفين شنو اخونه ضلع من ضلوعي أسررر
سكت ما كدر يكمل كلامة عيونه صارن حمر
سالم عافهم وطلع بحر عيونه مدمعه عافنه
وراح دخل بغرفة عمتي والولد كلمن راح بمكان
بقى بس حسام وليا تبجي بصوت عالي عمتي
من شافتهم بجت وياهم التفتت على البنات
يشهكن بالبجي ليا خلتهم كلهم يبجون
احسهم الهل يوم ما متخطين وفاة أسر
اخذها صعدها الغرفتها البنات كل وحده راحت الشغلها لليل التمو كلهم على العشة واحنا مدنكين ناكل حجة سالم
سالم : حظري نفسج باجر رايحين للنجف
اباوع اليا بسرعة رفعت راسها
ليا : اني اروح ؟
سالم : بس اني وياج نروح نزور ونجي
ناز : اني هم اروح ازور اخوي
بسام : اروح وياكم ازور أسر صار هواي ما رايح
حوراء : عمو عادي اروح وياك ازور رنا والله مشتاقتلها
حجتها وبجت جانت كاعدة بصف حسام
جرها باس راسها
حسام : اني اخذج حبيبتي لا تبجين
سالم : جا حظرو نفسكم كلنه نروح الفجر
أنت تقرأ
ما وراء الأبواب
General Fictionچـنت اظنك چـنت اظنك توگـــــــــف ابوجه الوكت واتنشف الدمعه ابجفنها وا چـنت اظنك بالمحبه الفاجده اوحنت لابنها ثاري ســــــچـينه خواصر
