ما وراء الأبواب

part_11_

#ما وراء الأبواب
#الكاتبة : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

ولك چا خاف باچر ماتصح ذرعان
وياهو يگوم اليعثر

چا خليتني الوكت الصدگ حاجوز
بافعالك وياي تريدني اتكتر

ماخسران چانت گبلك بسنتين
هسه وياك لا كاليوم جاي اخسر

قبل لا تقرون البارت اوضح شغله خبصتوني بشبه ليا من وراكم راح الطم على وجهي بأثنين اديه واصيح يبووووو يمعودين ليااا ناعمه حيييل وقصيره بس عيونها حادده لونهن اخضر وعدها تكساس رباني ودوم يشبهوهه بتوركان شوراي اني انطيت بس شبه ما كلت هيه ترا البنيه وجهه ناعم وحلو تمام لحد تعلق بعد ودكول جبيره شكو مخليتها

هسه اقرو البارت وستعدو للصدمات قرائة ممتعه

~~~~~~~~~~~~~~~~~~~
-تمت تمت

-عيونها حـبيبي

-دوعان يلااا

-خلصت حـبيبي روح صيح قمر

راح يركض يصير اخته ابتسمت عليه شلون كبران حـبيبي نزلت دمعتي واني اذكر شلون امي شمرته وهو قطعة لحمة عافته وراحت ما كالت شياكل شيشرب شلون يعيش وهو طفل نفاس

قمر : شمس البيض احترك

شمس : ها ها

طفيته بسرعه مستوي زايد خليته بصينيه وكعدنه بالمطبخ
شمس : يلا تعالو اكلو

اجا نجم وقمر كعدو ياكلو واني يمهم البيت هدواء كلمن راحت الاهلها الله شكد يصير البيت هدواء من يرحن روحه بلا رجعه ان شاء الله

لمار : شمس شمسس

طفرت بسرعه اجيبها صوتها عالي قبل لا يطلع كرار يكتلها
شمس : هنا حـبيبتي تعاي تعاي تريكي

حضنتني حيل وبقت لازمه ايدي
شمس : تعاي اكلي يلا

لمار : ادور عليج ماكو عبالي رحتي  وعفتيني

شمس : لا هنا اسوي ريوك تعاي اسويلج لفه

كعدتها يمي وصرت اسويلها لفات تاكل
لمار تصير عمتي جميلة بشكل جمالها غجري تصير اخت ابوي من ابو

جدي شاف امها وزوجها بالسر بدون علم بيبيتي ومن ماتت زوجته رجع للبيت وبيده لمار عمرها خمس سنوات

ربت ويا اخوانها وخواتها بيبيتي تموت منها حتى ما ربتهم كل هذا جانت تسولفه أليه عمتي الجبيره تختلف عنهم الوحيده حبابه وطيبه وهيه الربة لمار

كبرت عمتي جانت مدلله عند جدي لان تشبه امها حيل شكره والعيون بلون البحرر والشعر خيوط ذهب

كل احنا نمر بفترة مراهقه وهل مرحله احسها حساسه لازم نعرف شلون نصرف ونتعامل ويا الناس واهم شي هية مراقبة الاهل ومتابعة اطفالهم من يوصلون بهل عمر بس للاسف هل شي مو كلها تسوي