#ما وراء الأبواب
#الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
هَذا شارعكُم وصَلتة !
وجايَب وياي الخَريّف
علمِت روحي الشجاعَة
وبطليت من الرجَيف
وتالي خِفت الباب ادِگة
وگِمت ادِك اعلة الرَصيف .
~~~~~~~~~~~~~~~~~~~
وسام : يمه ما جاي تحجي خل ناخذها للمستشفى
بحر : بس اسكتوو ليا اسمعيني احجي حـبيبتي أي شي
وجها ازرك وبس عيونها تتحرك جامده بمكانها صار ساعه نكعد بيها وهيه على نفس الحاله
ناز : شمنتظررر اختك تمووت كوم ناخذها للمستشفى
بعدنه جاي انكومها ودخل سالم بس شافها هيج اجا ركض جرها مني ايدي
سالم : شبيها ليش هيج صايره
ناز ببجي : صار ساعه نكعد بيها وهيه بس فاتحه عيونها صايره خشبه
سالم : ليا حـبيبتي باوعي بعيني احجي شبيج افتحي ايدج لا اسديها لا تخافين اني يمج باباتي لا تخافين اخذي نفس اي عفيه اي هيج مييي بحر مييي
بحر : هاك
سالم : كومي اشربي مي وحركي ايدج شوي شوي اي عفيه باباتي .. يلا حبيبتي حركيها على كيف
رجع الدم بوجهه بعد ما شربها سالم مي وغسل وجها صارت تتحرك شوي بس بعدها ما تحجي تعودنه عليها فجاة تجيها هيج حاله وتبقى هيج جامده ما تحرك بس عيونها
ناز : شبيج يمه شجاج والله وكفتي كلبي عليج
سالم : شصار خافت من شي احد ضوجها
بحر : لا والله من صعدت بعد محد حجه وياها وهسه صعدت امي تكعدها ولكتها هيج
سالم : تكدرين تحجين
ليا بصعوبه : مـ ما بـ بيه شي
سالم : خوفتينه عليج
ليا بأبتسامه : تعودت عليها لا تخاف
سالم : تعشيتي
ليا : لا
سالم : كومي نطلع نتعشه برا
وسام : احم
سالم : وسم محد يروح بس انه وياها
ليا : ههه ماريد ما اشتهي
سالم : لا شو كومي يلا يلا وين ملابسج
راح للكنتور طلعلي قميص وبنطرون
سالم : كومي البسي هذن ادري بيج تحبين الاسود يلا
ليا : ما بيه حيل سالم عوفني
سالم : نجبي وكومي يلا حـبيبي يلا
اجا شالني من الفراش اخذت الملابس رحت بدلت شلون مجان واجيت لكيته مبدل ملابسه
سالم : ها نطلع
أنت تقرأ
ما وراء الأبواب
General Fictionچـنت اظنك چـنت اظنك توگـــــــــف ابوجه الوكت واتنشف الدمعه ابجفنها وا چـنت اظنك بالمحبه الفاجده اوحنت لابنها ثاري ســــــچـينه خواصر
