ما وراء الأبواب

part_54_

#ما وراء الأبواب
#الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

لاعـمـر راح يـعـود لاتـرجـع ايـام
حسبت وكت ونصير صوره بطن جام

عريان السيد خلف

~~~~~~~~~~~~~~~~~~~

قمر : ممكن اعرف ليش رفضت وسام ؟؟

ابو شمس : بكيفي ما اريد انطيج الهذا المسربة

قمر : وسام مو مسربة واذا عبالك اقبل بأبن اخوك الطرن احب اذكرك اني قمررر مو شمس التسكت وترضى وهذا ابن اخوك الخنثة لو يصبوو ذهب ما اخذة

جنات: عززا بعينج يمه يمه بنات اخر زمن واكفة بوجه ابوها وترادد

التفت علية خازرني وكام ضربني راشدي
قمر : وحق هوو الله اذا ما وافقة على وسام انهزم من البيت واطين راسك وشيصير خل يصير

عفته ورحت صعدت اركض اسمعه يصيح وراي
ابو شمس : بنت الجلااااب واكفة كبالي وتراددين تردين عشيكجج لو تموتين ما اوافق تاخذين هذا العار بسيطة

رجعت جاوبته من فوك المحجر
قمر : ازوجة يعنى ازوجة لو اعرف اروح انهزم ويا واخلي يعقد عليه عود بهذاك الوكت تعال افتح حلكك واحجي

جنات : صخام بعينج يا جلبة ولج منين متعلمة هاي العرامة

قمر : منج تعلمتها

ابو شمس : بنت السكط جايجججج

اني شفته اجا صعد الدرج وهو عصبي واركض للغرفة قفلت الباب صار يدك بي حيل حسيت راح يفلشة على راسي

ابو شمس : افتحي الباب بنت الجلاااااب اليوم انعل شيب الخلفجججح

قمر : ما افتح الباب

ابو شمس : اليوم كاعد هنا اريد اشوف شلون ما تفتحي ولج اني تعلين صوتج بوجهي علمود هذا النسونجيييي

قمر : مو نسونجي وسام اشرف منكم كلكممممم

ابو شمس : ولج قمرررررررررر افتحي الباب اليوم موتج على ايددددددي بنت السكط

جنات : هاي من راحت يم اختها علمتها على المرادد وصارت صلفة ارجع ربيها من جديد

قمر : دكلي نعالات على اساس انتي شلونج الشرف يخر منج خررر لوما هذاك اليوم واكفة وتتمضحكين ويا ابو المخضر

خليت راسي على الباب اسمعهم
جنات : شبيك هيج تباوع ترا جاي اجذب اخخخخ شعري

ابو شمس : بنت القندرة منو هذاااا التضحكين ويا

جنات : جذذب وروح ابوي جذب ما ضاحكة ويا احد

ابتسمت حيييل وياكم مثل ما حركتووو كلبي وكلب وسام غابت ضحكتي من اذكرته سوده عليه هسه اكيد ضايج ومقهور