ما وراء الأبواب

part_10_

#ما وراء الأبواب
#الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

هذا اني شيشة عطر
جربني من انكسر
بس طيب مني يصب
بس فنك تلمني .

~~~~~~~~~~~~~~~~~~~

كلبي احسه راح يوكف من الخوف اجا جرني حيل ورجع شمرني بالغرفه

ونام فوكايه صرت ابجي بخبال اريد يكوم مني صار يتلمس بجسمي بشكل مقرررف ويرفع التشيرت صوتي راح من العياط والصريخ

بس ما كدرت ما كدرت طفله بعمر العشر سنوات اتعرض لابشع التعذيب والاعتداء حتى صوتي ما صحى ضميرررره عافني مفرفحه واتصارع مثل الطير المذبوح بالكاع

وكف لبس ملابسه واجا جرني لبسني ملابسي واني ساكته ما اتحرك وكفني عدل وطلعني للشارع دفعني وراح قفل المحل وركب سيارته ومشى

بقيت صافنه بالشارع ما اعرف شنو اسوي احس عقلي وكف ما جاي يستوعب شي صرت امشي بتجاه البيت وصلت للباب واشوف امي واكفه مفرفحه التفتت شافتني لطمت على خدها و وكعت من طولها

طلعت عمتي وابوي دخلوها ودخلوني وياها اول ما دخلت للبيت ما حسيت بس راشدي قوي على أثره وكعت بالكاع

ابو حُذام : بنتتتت الكلب وين جنتييي وشنو هذا الدم على ملابسجججج

هديل : يمه بتي

اجت تركض عليه كل عقلي راح تحضني بس صار العكس صارت تملش بشعري وتضرب على وجهي وتضرب على وجهه وصدرها

زين ليش شنو سويت حتى استاهل كل هل ضرب اني شعلي ليش اني الازم انكتل واتحمل كلشييييي ليششش

اخر شي من ضربها فقدت ما كعدت غير واني بالمستشفى محد يمي بس الممرضه

حُذام : امي امي وين

-كعدتي حـبيبتي هسه اصيحهم الج

شوي ودخلت امي وابوي وعمي
ابو حُذام : عساج لا كعدتي يا عاررر

عمي : ميته ولا كاعده يا عار يا ساقطه جبتيلنه العار موت اليكرفج ونخلص منج

عار ليش عار شنو سويت اني حتى اسمع هيج كلام وليش اني الاتحمل غلطة غيررري ليششش  التفتت على

امي واكفه على صفحه تبجي لا تقربت من عندي ولا شافتني شنو محتاجه بهل وقتت احس الوحيده المحتاجتها غير المفروض الام تحس بجهالها ليش امي ما حست بيه وبوجعي ليش

عافتني وكرهتني شنو الذنب السويته حتى استاهل هاي المعامله طول عمري جنت اسئل نفسي هذا السؤال ليش حكمو عليه بدون ما يسمعوني مني ليش وكفو ضدي بالوقت المفروض يوكفون وياي ويساندوني 

بقيت يومين بالمستشفى ثالث يوم طلعوني

رجعت للبيت والحد هسه محد سئلني شنو صار وياج ومنو سوى هيججج الحد ما اجت عمتي الدزتني اجيب زيت كعدت يمي على الفراش شفت بعيونها حنيت الام لزمت ايدي وحجت بقهر