#ما وراء الأبواب
#الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
أنا يايمة أنبعت بيعه جبيرة
من الاعزاز
من الحبيب
من الوطن..
~~~~~~~~~~~~~~~~~~~
حُذام
واكفة انظف بالسمج اليوم ايمان عازمة اهلها واكفه يمي حوراء تمسح بالكاونتر التفتت عليه تحجي وتريد تبجي
حوراء : تعبت حُذام والله حضي طاح
حُذام : عوفي حبيبتي اني اكمله روحي اكعدي
ايمان : ويننن تكعد كملي لج
حُذام : عمه اني اكمل أبدالها الشغل خل تروح
ايمان : ماكو بعد جم يوم تزوجين منو يشتغل بالبيت خل تتعود من هسه حتى ايدها تاخذ على الشغل
رجعت اكمل السمج ما تمل هاي المره يوميه نفس الكلام ونفس الاسطوانه الله ما ياخذني واخلص
رحت جريت الصواني خليت السمج ورشيت عليهن ملح وعصرت ليمون وخليتهن بالفرن رجعت للطباخ شغلتة طبخة عليه التمن قبقته ورحت جريت الوصله من ايد حوراء
حُذام : اكعدي اني اكمل
حضنتني حيل
حوراء : احبج حُذامممم
حُذام : هههه واني بعد احبج يلا ركض اصعدي للغرفة
حوراء : واذا عاطت ايمان
حُذام : اكلها اني دزيتها اشوف رنا يلا اصعدي ركض قبل لا تجي
حوراء: ماشي
تريد تروح صحت وراها
حُذام : اوكفي تعاي تعاي اخذي هاي اللفات اكلنها انتي ورنا فوك
حوراء : جيبي
اخذتهن وصعدت قبل لا تجي الشيطان الرجيم كملت المطبخ اريد اطلع وندك الباب عاطت ايمام اطلع افتحه لبست شالي وطلعت
حُذام : منووو
ام ناصر : اني ام ناصر خايبه فكي الباب
اهووو لا هله ولا مرحبه فتحت الباب دخلت هيه وابنها وبناتها سلمت عليهن من ورا خشمي وابنها واكف يباوع عليه بنظرة حقيرة عفتهم وطفرت للمطبخ حتى ما كتلهم ادخلو
تلكتهم ايمان فوتتهم للصالة حظرت المي والجاي خليته على النار بس فار طفيته وصبيته بالاستكاين خليت المي بالصينيه وشلتها يارب صبرني عليهم سميت باسم الله ودخلت
قدمتلهم وصلت الناصر اخذ المي وتلمس أيدي بسرعه جريتها وخليت وطلعت استغفر الله ربي استغفر الله ربي طاح حضه العار شلون لزمها هذا ما يعرف حرررام وحلال الله ياخذج ايمان على هاي الورطه
لزمت نفسي ما تنزل دمعتي رحت غسلت وجهي يارب الصبر منك كلبت التمن استوه طفيته شفت السمج بعده رحت سويت زلاطه كاعده بالكاع واثرم
أنت تقرأ
ما وراء الأبواب
General Fictionچـنت اظنك چـنت اظنك توگـــــــــف ابوجه الوكت واتنشف الدمعه ابجفنها وا چـنت اظنك بالمحبه الفاجده اوحنت لابنها ثاري ســــــچـينه خواصر
