#ما وراء الأبواب
#الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
ليهمك حجي العالم
ركز بيه بس وحدي
محد مثلي بيك يموت
لا قبلي ولا بعدي
اواجه كلشي
انا وياك
لوكل البشر ضدي
~~~~~~~~~~~~~~~~~~~
حُذام
رنا : حُذام حُذاااام
فزيت على صوتها
حُذام : ها رنا هااا
رنا : صار ساعه احجي وياج مجاوبين
حُذام : شتردين حبيبتي ما سمعتج جنت ملتهيه بهذا اغسله
رنا : المعلمة كالت باجر خلي ولي أمرج يجي
غسلت أيدي من الزاهي والتفتت عليها
حُذام : ليش شكوو
رنا : قبل اسبوع اجت سئلت منو امها وابوها ميتين واني كتلها ست اني امي وابوي ميتين
حُذام : ايي
رنا : اي وهيه سجلت إسمي واليوم اجت كالت خلي ولي أمرج يجي للمدرسة
حُذام : خوش باجر اجيج لعد
رنا : ماشي اروح اكمل قرايه
حُذام : اقري زين مو اجي والكاج كلشي ما حافظه اكتلج بالعوده تررررا
رنا : خوش خوش
راحت تركض صعدت اخذت نفس ورجعت اكمل الماعين صار شهرين ما شايفه حسام اختفى من اخر لقاء إلنا ابتسمت وهزيت ايدي هيه امي وابوي عافوني وراحو بقت عليك
"يحب عمري "
مسحت دموعي وكملت الماعين مسحت الكاونتر والكاع عصرت الوصله ورجعتها المكانها طلعت صعدت فوك حظرت ملابسي وملابس البنات حتى باجر اروح من وكت المدرسة رنا
كويتهن وخليتهم على صفحه رحت نمت وجريت رنا بحضني وطبعاً مثل كل ليله لازم يزورني طيف حسام ابتسمت من شفته بس هو قابلني بوجه حزين فتحت عيوني فازه
خليت ايدي على كلبي وصرت اقراء ايه الكرسي نمت ما حسيت بس على صوت السيارات فزيت رفعت راسي جانت الساعه بالسبعه
حُذام : كومن يلاااا بالسبعه كومي حوراء جنج تنبل ما تكعدينننن
حوراء : يبووو علينه كعدددت
حُذام : وسمم كومي يلااا رناا يلااا
عفتهن راحن للحمام يغسلن نزلت جوا غسلت وجهي وحظرت الريوك بين ما كملته هنه نزلن مبدلات
حُذام :تعالن تريكن بين ما البس واجي
صعدت بدلت ملابسي لبست قميص طويل وبنطرون عدلت شالي ونزلت جانن واكفات يلبسن حذائهن
حُذام : هاج هذا مصرف الج وهذا الج اخذتن التفاحه واللفه
رنا : اي اخذتهن
أنت تقرأ
ما وراء الأبواب
General Fictionچـنت اظنك چـنت اظنك توگـــــــــف ابوجه الوكت واتنشف الدمعه ابجفنها وا چـنت اظنك بالمحبه الفاجده اوحنت لابنها ثاري ســــــچـينه خواصر
