#ما وراء الأبواب
#الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
منين تريد أشمک
وأنت كلـک هيل
ترى الأفيش ماتنگـال
إلا وراسي يم گلبک..
~~~~~~~~~~~~~~~~~~~
حُذام : ليش احس ليا مجبوره على باهر
شمس : كلنا نعرف هيه بعدها تحب أسر بس سالم وعمتي هواي ضغطو عليها حتى توافق
كوثر : سوده عليه وافقت مجبوره
شيار : غلط هذا الشي اذا هيه بعدها تحب أسر شلون تخاطر وتقبل تزوج باهر
حُذام : بعد صارت ان شاء الله تنسى أسر وتكمل حياتها ويا باهر وتنسعد
الكل : ان شاء الله
شمس : امشن يلا نوزع الكيك عيب من العالم منتظره
حُذام : اي يلا
اخذنا صواني الكيك وصرنا نوزع على البنات والنسوان ليا جانت كاعده على الكوشه وعيونها حمر رغم طالعه شكد حلوه بالفستان الابيض بس عيونها حزينه
انطيت الصينيه الحوراء ورحت كعدت بصفها
حُذام : جوعانه اجيبلج شي تاكلي ؟
ليا : لا بس كليلهم خل نعقد بسرعه اريد اروح اكمل قراية
حُذام : يااا ليا تحجي صدك
التفتت عليه عصبيه وحجت بصوت شبه عالي
ليا : حُذام تشوفي وكت شقه ؟؟
حُذام : بس اهدي حبيبتي لا تصيرين عصبيه هسه اصيحهم يجون يكملون العقد
ليا : حُذام مختنكه راح اطك
حُذام : يمه اسم الله شبيج
ليا : ما اعرف احس كلبي يوجعني ياريت يوكف واخلص
حُذام : سوده عليه شكو وافقتي اذا ما تردينه
ليا : سالم تعب من حملي ومسؤاليتي وردت اخلصّ
من هم لياااا ومسؤليتها
حُذام : لا دكولين هيج سالم مستحيل يمل منج انتي روحه من الدنيا
هزت راسها وبقت ساكته اجت عمتي وام باهر كومنها راح يعقدولهم دخلو بغرفة عمتي هناك يعقدون دخلت وراهم اني وشمس رحنه وكفنه بصف ليا
جانت كاعده وبصفها باهر كاعد وكدامهم الشيخ وسالم وحسام وسلام واكفين وعمتي وام باهر واخت باهر أريج على جهه واكفات
بلش الشيخ يعقد الهم ومن وصل سئلها بس ليا بقت ساكته عاد عليها مرتين ماكو جواب رجع عاد عليها للمره الثالثه
الشيخ : أن اكون موكلاً عنكي في تزويجكي من الشاب باهر خضير علي
على مهراً معجل قدرُه خمسون مليون دينار
وعلى مهراً مؤجل قدرُه خمسون مليون دينار
أنت تقرأ
ما وراء الأبواب
General Fictionچـنت اظنك چـنت اظنك توگـــــــــف ابوجه الوكت واتنشف الدمعه ابجفنها وا چـنت اظنك بالمحبه الفاجده اوحنت لابنها ثاري ســــــچـينه خواصر
