#ما وراء الأبواب
#الكاتبه : زهراء الهاشمي
ابناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
متأخر تجي
ومستعجل تروح
ويم الغريب
تصول وتجول
العافية مو بالتداريج
هليتني من الطول للطول.
~~~~~~~~~~~~~~~~~~~
هزت راسها وراحت عفتهم ومشيت رحت كعدت بمكان بعيد بالقاعه ما اعرف ليش اختنكت من شفته مدنكه افرك براسي وما احس بس شخص فوك راسي يحجي
رفعت راسي جان واكف ابتسم واجا كعد بصفي
باهر : شلونج ؟
بقيت ساكته بس عيني عليّ
باهر : شكد نفسيه صايره
ليا : اني ؟
باهر : اي عش تنهزمين مني ؟
ليا : ما مهزومه
باهر : واضح والدليل من شفتيني اجيتي هنا
ليا : باهر مو كافي
باهر : كافي يا وجع كلبي كافي ونص من يوم طلاكنه نسيتج وحالياً انتي اخت صاحبي لا اكثر
"عرفتك ما تحبني
ولا صاحب طويـله
اريـدك جنت ! اريدك
انكسر كلبي على ايدك
واذا صح انتَ فد يوم
ما ارجع واعيدك "
عافني وراح بسببه كلشي ما افتهمت من الحفله بس يعرف يغثني ويروح اجت شيار كعدت بصفي
شيار : صار ساعه ندور عليج شعدج كاعده هنا
ليا : دخت من الهوسه
شيار : دكومي الولد يردون يركصون وياج
ليا : امشي
كومتها ورحنا يمهم وسام بس شاف ليا اجا جرها
وسام : تعاي ولج وين رحتي
اخذها وراحو خلوها بنصهم وصارو يركصون وهيه بس مبتسمه وتصفك تقرب سالم جرها بحضنه ومدري شهمس بأذنها هيه ضحكت وصارت تركص وياهم
شمس : غرت شنو هاي همه يركصون واحنا هنا معلي اريد اركص اني هم
كوثر : اي والله اني هم اريد اركص شنو هاي معلي والله
حُذام : اكعدن وين رايحات منا العالم
ما سمعن كلام حُذام وكامن اني تحمست وياهن على الواهس
شيار : اوكفن اجي وياجن هيه كتله كتله هههههه
كوثر : امشي يلا ههههههه
ضحكت ورحت وياهن سوينه هجوم ودخلنه بالنص كل وحده راحت وكفت بصف رجلها تركص رحت وكفت بصف سلام بس اصفك
سلام : ولج ورطه منو كلج كومي من مكانج ؟
شيار : يووو سلام ترا لعبة نفسي بس كاعده بمكاني شنو جايه اكعد لو اتونس
أنت تقرأ
ما وراء الأبواب
General Fictionچـنت اظنك چـنت اظنك توگـــــــــف ابوجه الوكت واتنشف الدمعه ابجفنها وا چـنت اظنك بالمحبه الفاجده اوحنت لابنها ثاري ســــــچـينه خواصر
