#ما وراء الأبواب
#الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
من باب اموت بجيته
ومن باب اموت بغيبتك
ولليوم مدري شتنحسب
محبوبي لو جتالي
ومو كلها تنذل بالبجي
ولا كلها تشبه حالي
بجي المسافر بي نفع
وبجي الطفل علئ الام طبع
~~~~~~~~~~~~~~~~~~~
شمس
أسبوع وهمه يضغطون عليه حتى اوافق وجان جوابي الرفض وصلت بيهم حتى بشرفي اتهموني تعبت منهم بس ما بيدي شي غير اطنشهم بس للاسف فاض صبري بعد
كلها واكفه مثل الوحوش ومنتظره مني جواب
بدون تفكير وبساعة شيطان اجا ابالي اموت واخلص من هاي العيشه ولا ازوج واحد مزوج اثنين واكبر من ابوي
عفتهم وركضت بسرعه للكراج جريت جلكان النفط لزمت القبق اريد افتحه واذبه على نفسي ركض وراي رائد وكف كبالي
رائد : تخبلتيييي تردين تموووتين ولج شمسسسس
شمس : والعباس احرك نفسي عوفنيييييي
رائد : هاي هيه يجرالج التردي بس عوفي الجلكان
شمس : تجذب عليه
رائد : والحسين الشهيد هاي هيه التردي يصير بس عوفي الجلكان شمسسس
بيبيتي : دعوفها خل تحرك نفسها وتموت نخلص منها عار مثل امها
رائد : يممممه مو وكتتتت كلامججج
كلماتها كسرت كلبي حسيت نفسي صدك عله على كلبهم فتحت قبق الجلكان وصرت اطشه على نفسي
ما اسمع للصياح ولا الكلامهم شمرت الجلكان وشغلت الجداحه بيدي لازمتها
هسه اريد اشمرها على نفسي وما حسيت بس واحد من ورا جرها من ايدي ولزكني بي التفتت واشوف صديق رائد سالم
ركض عمي رائد عليه جرني راد يضربني راشدي مد ايده سالم وصار كدامي ختلت بظهرة لزمت قميصة حيل خفت يضربني عمي كدامة
سالم : مو وكت ضرب هسه
رائد : بنت الكلب جان صخمتي وجهنه
سالم : رائد مو وكتها هسه دخلو البنيه خل ترتاح
التفتت عليه وخزرني
سالم : ادخلي جوا بابا
عفته ومشيت دخلت جوا منو كله ياخذ الجداحه منووووووو الله ياخذكككك
بيبيتي : امداج يل عار الله شوكت ياخذج واخلص منج فضحتينه كدام الزلمه يمصخمه
مرت ابوي : تف عليج سكط ما تموتين عار على كلبنه باقيه
استهترت من سمعت كلامهن احس فصلت عن الدنيا صرت الطم على وجهي
شمس : كااااااااااافيييييي كاااااااااافييي الله ياخذكم الله يخلصني منكمممم تعبت تعبتتتتت منكم عوفونيييييي بحاليييي شتردووووون مني خبلتوووني والله خبلتووووني
أنت تقرأ
ما وراء الأبواب
General Fictionچـنت اظنك چـنت اظنك توگـــــــــف ابوجه الوكت واتنشف الدمعه ابجفنها وا چـنت اظنك بالمحبه الفاجده اوحنت لابنها ثاري ســــــچـينه خواصر
