#ما وراء الأبواب
#الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
سواد الليل يبقه وتطفه الالوان
واعيد بذكرياتك والمشاهد
على بير المنيا وجيت عطشان
ومجبور وشربت الماي راكد
~~~~~~~~~~~~~~~~~~~
هو ضربة وهذاك صاحبة رفع سلاحة براس سالم كلت هاي هية راح اخوي من ايدي
غمضت عيوني وصار صوت طلقة
كلبي حسيتة وكف ما يدك راح اخوي
فتحت عيوني على كيف واشوف سيارات الشرطة محاوطتنة الجان لازم المسدس على سالم بحركة سريعه من سالم سحبة من عنده ودفرة سالم نومة بالكاع وحط المسدس براسة
اجو الشرطة حجو ويا سالم وطلع هويته الهم ما اشوف بس دكولة تحية اخذو الولد والرجال ومرتة ودوهم للمستشفى لان المرة وجها جان كلة دم بسبب البوكسي
شوي واجاني سالم بس صعد عطت بي بصوت عالي
ليا : انتتتتت شلون تدخل بينهم همزين ما كتلووووووكك
جر راسي بحضنه
سالم : اشش بنيتي ما صار شي هذا انه يمج حبيبتي
ليا ببجي : خـ خفت يكتلوك
سالم : انعل والدي اليطخني كافي امسحي دموعج
مسحت دموعي وهو كعد يضحكني
ليا : رجعني للبيت احس سكري هبط
سالم : اخذج للمستشفى احسن
ليا : لا ما اريد تلعب نفسي رجعني للبيت احسن
سالم : محد من البيت يعرف الصار هسه اذا احد عرف اطيح حظج
هزيت راسي وهو ساق للبيت قبل لا نوصل نزل يم الاسواق شوي واجا بيدة علاكتين خلاهن بالسيارة ليورا واجا صعد رجعنه للبيت دخل السيارة بالكراج
نزلت بعدني ارجف من الموقف ركعت باب السيارة حيل ودخلت للبيت اسمعه يصيح
سالم : بنت الاوادم الباااااب شعللي
ما اهتميت رحت طلعت جهاز السكر قسة السكر صاعد خرب بي طلعت ابرتي قبل لا اضربها دخل حسام للمطبخ
حسام : هاي شسوين
ليا : اضرب مخدرات عندك مانع ؟؟
حسام : لا والله ماعندي بس موجود بالصيدلية
ليا : تافهة وخر مني
سالم : صوتكم
ضربتها بزندي وجعتني كملت وشمرت الابرة بالزبل
سالم : شكد سكرج
ليا : صاعد
حسام : ليش مرتفع شصار ؟؟
التفتت على سالم خزرني عفتهم ورحت دخلت بغرفة امي جانت كاعده ويا نجم وشمس رحت نمت بحضنها
أنت تقرأ
ما وراء الأبواب
General Fictionچـنت اظنك چـنت اظنك توگـــــــــف ابوجه الوكت واتنشف الدمعه ابجفنها وا چـنت اظنك بالمحبه الفاجده اوحنت لابنها ثاري ســــــچـينه خواصر
