ما وراء الأبواب

part_20_

#ما وراء الأبواب
#الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

حينما جاء لخطبتي
كانت سلالم منزلنا سعيدة
ولم أكف عن الإبتسامة
جاء منزلنا لنبني منزلاً
أعمدتها الــحـُــب

~~~~~~~~~~~~~~~~~~~
شمس

شمس : اوافق بشرط

رائد : اي هذا الكلام الحلو شنو شرطج

شمس : نجم يعيش وياي

رائد : شنووووو

شمس : مثل ما سمعت ما اعوف نجم هنا واحجيها الك بصراحة وخل يسمعن جنات ما تهتم بنجم واصلاً تكرهة ونور تضربه كل ما شافته

ما ابقي يمهن لو شيصير تريد ازوج سالم خلي يوافق على شرطي ما وافق هاي هيه ماكو قسمة بيناتنه وهاا ترا اني راح اوافق غصباً ما عليه بس علمود ما افشلك كدامه

رائد : ما تحجي كرارررر

كرار : خل تاخذه بعد احسن هم ارتاح واخلص من همها وهم اخوها

رائد : انتوووو تردون تفشلوني كدام الرجاااال

ام رائد : هسه انت شبيك خبصتنه نكله هذا شرطنه ما وافق طبه مرض

رائد : اي انتي فرحتي لان تعرفين راح يرفض شرط شمس بس ابشرج سالم ما راح يرد شرطها وراح يوافق وهسه اشوفين

ركع باب الغرفة وطلع عفتهن وصعدت فوك بسرعة دخلت للغرفة وكعدت ابجي اني شكو وافقت ليش استعجلت عضيت اصبعي حيل

شلون شلون ونجم وقمر شلون اعوفهم دخلت قمر وبيدها نجم عافته واجت يمي حضنتني

قمر : لا تبجين احسن شي سويتي وافقتي اطلعي انتي ونجم وعيشوو برا هذا البيت احسن الكم كافي هواي تعبتي هنا بسببهم

شمس: وانتي وانتييي شلون اعووفج يمهن شلووون

قمر : لا تخافين عليه تعرفيني ما اسكت الهن وهم يخافن يتقربن مني بس انتي لا تنسيني وتعاي اشوفج كل اسبوع انتي ونجم

جريتها حضنتها وابجي
شمس : شلون انساج وانتي بنيتي

قمر : يااااااي واخيراً راح يصير عدنه عرس واني اخت العروس هلا هلا

دفعتها وضحكت
شمس : ولي مني

قمر : كومي حظري نفسج من هسه صدك شتلبسين باجر

شمس : ليش شكو

قمر : يااا هنيالي غير راح يجون اهل سالم يتفقون على يوم الخطوبة والمهر

شمس : دولي والله الج خلك عود البس أي شي

عفتها وتمددت جريت نجم بحضني هيه غمتني وراحت ادور بالكنتور وادردم