#أبي_لم_يكن_إنساناً
البارت الثاني عشر
للكاتبة لبنى الموسوي
بدت تشرحلي واني الخجل ماكلني
بس خلصت گالت ها بشري اكو هيچ شي لو لا مو گلبي وگف بعدت نظري مستحية لا ما طلع دم
- متأكدة طيبة ؟!!
- اي والله ماكو دم بس شنو يعني ما فهمت !!!
- تفهمين يمة تفهمين بس اصبري
وهسة اني رايحة
ظلي هنا شوية واجيچ اعتبري المكان مكانچ لتخجلين
- وين مو اخاف وحدي
- ياااااا ولچ شتخافين قابل عايفتچ بالصحراء
باوعتلها ودنگت راسي
طبطبت على كتفي بهدوء وطلعت من الغرفة
تعبت كلش
شوكت اخلص من هالكابوس وأرتاح
شوكت اشوف أختي ويا ترى شمسوية بغيابي أدري هي متعلقة بية حيل وبعدي راح يتعبها
همام.. بعدني انتظر بالصالة
ما صدگت شفت خديجة گدامي گمت الها ع السريع
- ها خديجة بشري شصار
- شگولك خوية
البنية بعدها طفلة والله طفلة متعرف ترتب حچايتين على بعضها
- من الأخير شعرفتي عن حياتها السابقة
- للأسف ما رضت تحچيلي عن أهلها
خلصتها بس تبچي لا گدرت اخذ منها حق ولا باطل
- شلون سالفة هاي ؟!!
زين أرشد شبي وياها ليش ضاربها ما حچت بالموضوع
- لا حچت خوية
مو أخوك يعني متقرب الها وهي خطية رادت....
گبل رفعت أيدي سكتتها
- لتحچين بـ هالسوالف يبعد أخوچ
هاي شغلات خاصـة ميصير تسولفيها الية خليها بينـچ وبين البنية
- صار مثل متريد
بس حاجيني هسة شراح تسوي ويا أرشد ؟!!
- ما ادري خديجة ما ادري
حچيتها ورجعت خطوتين گعدت ع الكرسي
- لازم اتصرف
لازم أخلص هالطفلة من أيد أرشد
بس شلون؟!! واني ما أعرف هي منين وأهلها منو و وين
- وبهذا الوضع الحل شنو برأيك
- ما ادري
انتِ احچيلي عسى ولعل عندچ حل تساعديني بي ؟!!
- خو لو عندي ما چان سألتك خوية
- دروحي للطفلة عيني
طلعيها من غرفة أمي الغرفة بتول
خليها تظل يمها بلكي تلتهي وياها شوية لحد ما يهدأ أخوچ حتى نتصرف وياهم
- أي تتدلل بس وين رايح انتَ ؟!!
- عندي شغل بالمقر ما كملتة
واحتمال اتأخر بـ الليل يعني اكلوا لتنتظروني ع العشى
وانتِ هم لترحين خوية
دزي على رجلچ يتعشى وياكم بين ما أرجع علمود هاي الطفلة خطية وأمي هم وحدها
- اذا على هاي بسيطة
بس فدوة الطولك حاول لتتأخر بالرجعة
لا يروح أخوك يسويلة سالفة واني ما اگدر اوگف بوجهة وحدي
YOU ARE READING
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
