#أبي_لم_يكن_إنساناً
البارت الثالث والأربعون
للكاتبة لبنى الموسوي
تعرف غلاتك لو بعد محتاج ابينها أكثر
ي البيك لهاني العمر ما ركزت بي من مر
يمكن اذا گتلي شكثر تهواني راح اتحير
الليل أعد محبتك بس باچر تزود أكثر
الأدري بس من تبتعد مدري شحس بـ حيرتي
صدري حفر بي خنجر ؟!!
مگطوع شريـان أبهـر ؟!!
يندفع شباچ الجفة وبالروح شي يتكسر
اشتاگلك بس الحچي المضموم الك يتبعثر
وبدون موجة احتاجلك بالبر واحس بيك البر
يافكت عيون الگلب يا ميزتي البيها أنغر
مو رايدك واتنفسك لا يا نفس شي أكبر
يا روح ما تطلع مثل روحي التموت من أكبر
يا ريت كل هذا الحچي من اگعد گبالك يحضر
ومن التهي بـ عينك بعد تهمسلي حتى اتذكر
وياك اذا ما سولفت من الصمت لا تحذر
مرات مو كل الحچي يلم المشاعر يگدر
وانتَ اعرف شلون اختنگ من نسمتك تتأخر
اقبل علي روجت عتب وتقرب تكون أخطر
بس انتَ ردتك من چنت ما بين الأحلام أفتر
وما دامك بـ حضن الجفن چف النظر خل يگصر
وياك ابتديت بـ دونك شلون ابتدي شتتصور ؟!!....
تقرب سحب إيدي بـ إيدة وعيونة تتأمل تفاصيل وجهي
- احبچ طيبـة ومو أي حـب
احبچ حـب عذري حـب صافي مثل صفاء عيونچ ونقـي مثل نقاوة گلبچ وطاهـر مثل طهـارة روحچ
اي احبچ موـوت احبچ وهالحـب ذبحني واني عايش
واگف يشرحلي مشاعرة بـ نظراتة الذبلانة وعيونة تلمع
ظليت صافنة بـ وجهة
شنو السالفة يربي معقولة اني بحلم؟!!
سحبت إيدي منة حيل صالح شبيك شگاعد تحچي انتَ
- مثل مسمعتي طيبـة
احبچ حـب ما صار بـ هالدنيا ولا راح يصير
وبـس الله اليعلم شلون عدت علية السنين واني اتخيلچ بـ حضن غيري ويا ريت لو چان يستاهل اظفرچ
والله العظيم چنت اموت باليوم ألف موتة بس لأن انتِ مو يمي ولا اگدر اوصلچ واعرف أخبارچ
ثقي مخليت شي مسويتة حتى ابرد گلبي بس مگدرت شتردين احچيلچ عن يا وجع بالضبط فهميني
- احچي صالح احچي اسمعك
- ااااااخ طيبة ليش ادري شلون احچي لو منين ابدي
من عذابي لو من سهري وقلة حيلتي
لو من الغيرة عليچ بعد مصرتي الـ غيري واني الفتحت عيني على حبچ وشتلتة بين ضلوع الگلب
مثل ميشتلون البذرة بالگاع لحد متصير نبتة بـ فضلهم
لو من دراستي الأستعجلت بيها رغم رفض أمي
بس حتى أخذ دورة الضباط واحقق حلمچ بية وبنفس الوقت اگدر اوگف بـ وجه رزاق وارجعچ الأحضاني
تدرين شنو يعني عفت أمي وصفاء بـ أمانة عمي محمود ورحت سنة كاملة
لا وچنت اعرف كلش زين همَ مالهم غيري
واعرف همات راح يتأذون بغيابي مع ذلك أذيتهم بس حتى أوصل الچ انتِ.. انتِ وبس طيبة دتستوعبين
يحچي واني دموعي مترضى توگف من الصدمة
شويـة وسكت ظل يباوعلي
تبادلنا النظرات بيناتنا كل واحد يحاول يشرح ولو جزء بسيط من الشي الگاعد يدور بگلبـة وعقلة حالياً
بس مستحيل واحد يفهم ع الثاني لأن نظراتنا البعض بـ هاللحظة بالتحديد تختلف كلش تختلف
YOU ARE READING
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
