#أبي_لم_يكن_إنساناً
البارت الثلاثون
للكاتبة لبنى الموسوي
تعبت روحي من كثر البچي المخنوگ
خنگتني الصور والذكريات هواي
واحس دموعي تنطق بالحچي المبيوگ
مو حقك تجامل لا تگول فلان
لتصرح برأيك لا تبلغ الشوگ
لا تعترض عنهم لتگول ها ظلموك
ظل باوع الچدمك لا تباوع فوگ
ناصي وعشت ناصي تموت وانتَ الدون
مثل رمل الصحاري وهمَ فوگ النوگ
داسوك بحقد ما گلت چلمة ااااخ
الكرامة الهم والك بس السكوت يلوگ
#الموسوية
بس حچاها تركتة وطلعت انصدمت بـ الاء
واگفة بـ نهاية الدرج وتتلفت منا ومنا نزلت 3 درجات رفعت راسها باوعتلي هزيت براسي ها شكوو
نترت حيل لتتدخلين بشي ميعنيچ
انفتحت باب غرفتي بـ هالأثناء وبس سمعتها شمرت روحها من الدرج تصيح وگعتني ولكم كتلت ااابني
ظليت فاتحة عيوني عليها هو منو طخ بيها اصلاً
فات همام من يمي يركض هاي شكوووو شلون وگعتي يمعودة
ما اعرف منين نزلت دموعها لدرجة صارت تشهگ
- مرتك همام مررررتك
نزلت اشوفك گاعد لو لا ما احس إلا دفعتني من الدرج ليش ما ادري يمكن تريد تكتل ااااابني
بس حچتها التفت همام علية بعدني واگفة بـ مكاني
نظرتة شلت احوالي
هزيت بـ راسي والله ما سويتلها شي خزرني ودار وجهة عليها يلا دگومي خل أخذچ للمستشفى
- همام خايفة احس بگلبي راح يوگف
دانزف شوف بس لا يموت الطفل كلة من وراها كلة من وراها والله لو صارلة شي إلا اكلها بـ اسناني
- لا اسم الله ماكو شي ان شاء الله
باوعت عليها لابسة تراك ابيض ويم رجلها كومة دم
تفاجأت من المنظر
ليش هي وين شمرت نفسها حتى يطلع كل هالدم اشو المسافة ما بيها درجتين هاي شنو السالفة
- همام اكو وجع ما اتحمل بعد
- هسة دگومي خلي اخذچ للمستشفى شنو ظالة بمكانچ وتصيحين قوي روحچ وساعديني يلاااا
- ما اگدر والله الوجع مو طبيعي حتى رجلي دترجف
بس حچتها سحب العباية
ذبها على راسها وشالها بـ حضنة أما هي ما بطلت بچي ولا ثانية شنو من قابلية عدها والله راح تخبلني
كل هذا صار بـ دقائق معدودة
حتى ما گدرت استوعب الموقف بس طلع لزمت بالدرج وگعدت بمكاني شوية ودموعي نزلت بحرگة
همام.. ما فكرت بـ لحظتها غير بس بالطفل
ولو بعد ما شفت الدم توقعت ميعيش طلعت من البيت ردت اروح الخديجة ظلت تبچي تريد أمها
بيت أهلها على طريق المستشفى مريت عليهم
دگيت الباب طلع أبوها ديروح للدوام
باوعلي مستغرب خير همام شصاير من الصبح الاء بيها شي ؟!!
- اي عمي وگعت من الدرج ما اعرف شلون
بلا زحمة عليك صيح العمتي هاي وياية بالسيارة خلي ناخذها للمستشفى بلكي متسقط
أنت تقرأ
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
