#أبي_لم_يكن_إنساناً
مستقبل الرواية الجزء الثامن..
للكاتبة لبنى الموسوي
أنا قارورة من زجاج
وهوَ كـ أرض الله الواسعة
حاولتُ جاهدتاً على أن لا أرتطم بهِ كي لا أتكسر
وها أنا الأن أرتطمت فَـ تحطمت !!!
رحمة.. طول هالأيام وعمتي تزن بـ راسي علمود المانع
من شافتني قافلة وما مني رجاء
بدت تدخل بـ راسي شغلات غريبة عجيبة تحديداً عن أختي وزوجي
اذا تشاقوا گالت شوفي شلون يشاقيها
اذا ابدا اهتماه بيها گالت بشرفچ يهتم بيچ بگد ميهتم بيها ويخاف عليها
بالبداية كنت ارد عليها عادي هيَّ وصالح متربين سوة
بس يوم بعد يوم بدا الشيطان يلعب بـ عقلي
فعلاً أهتمام صالح بيها مو طبيعي خصوصاً هالأيام لأن طيبة باقية يمنا صرت احسب الكل تصرف يبدر منه
اذا رادت تنام يمنعها حتى لو تعبانة بحجة نسهر سوة
واذا احد غثها ينغث قبلها
من غير اهتمامه بـ أطفالها حتى بت سعد المتربية يمنا هم ميحبها گدهم ويهتم بيها ويدللها مثلهم !!!
سعيت بكل جهدي ابعد هالأفكار عن راسي واتغاضى عن كل تصرف يصدر من صالح
بس عمتي سناء هيهات تتركني بـ حالي صرت اشوفها مثل ظلي وين ما اروح الگاها بـ ظهري تزن وترجع ليورة
اليوم دالعب الأطفال بالمرجوحة الـ بحديقتنا
سمعت صوتها وراية
التفتت بضجر عمة شجاچ عوفيني بحالي شنو معندچ غيري بـ هالبيت ليش وين ما اروح تلحگيني !!!
- هاي فوگ ما اريد مصلحتچ هيچ تحچين وياية ؟؟
- يا مصلحة هاي
وين المصلحة لمن تخليني اشك بـ أقرب الناس الي
وعلى شي ماله صحة من الوجود بس لأن صالح شوية اهتم بـ أختي اللي هيَّ أخته هماتين
- هههههه والله مسكينة انتِ
- ماكو غيرچ مسكينة نصيحة التفتي الأخرتچ الدنيا ما دايمة مصيرها تخلص وتحتاجين هالأيام بعدين
- ليش شمسوية حتى تنصحيني التفت الأخرتي
- ميحتاج احچي
- سؤال اني هم فد يوم مكذبة عليچ بشي أو لا كذبت أو تبليت على أي احد بهذا البيت جاوبيني
- ما ادري
- لا تدرين صح اني مشاكلي هواي بس ما اكذب
- وهذا الشي الديخوفني منچ المشكلة اعرف كل كلمة تگوليها وراها شي مو مجرد كلام كذب
- لعد ليش دتهاجميني
بيني وبين نفسي انقهر عليچ يمكن لأن اشوفچ صغيرة والكبار ديحاولون يستغلون طفولتچ بكذبهم
- محد يستغلني كلهم يحبوني
- محد يحبچ غيري والدليل كلهم ضحكوا عليچ إلا اني داحاول اوصل الحقيقة الچ وانتِ رافضة تسمعيني
- يا حقيقة هاي
ترى انتِ مدتسوين شي غير بس تزرعين الشك بية
- مو شك هذا يقين عمة يقين
- شنو يعني تردين توصليلي أختي دتخوني مثلاً !!!
YOU ARE READING
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
