#أبي_لم_يكن_إنساناً
البارت الثامن
للكاتبة لبنى الموسوي
وبيوم من الأيام الظهر قريب الغدة
واگفة بالحديقة اهز رحمة بالمرجوحة سمعت صوت الباب انفتح رفعت راسي بتعجب
چان انصدم بعمو محمود دخل للبيت وأبوية ويا بعد كل هالسنين
ما اعرف شصار بية من شفتة گدامي
رجع كل الخوف بداخلي
وأنعاد شريط ذكريات ذاك اليوم المشؤوم اللي فقدت بي أخوية براسي وكأن الجريمة اليوم صارت
اخذت رحمة ضيمتها الصدري حيل
وبدون ما اباوع بعيونة دخلت للبيت ركض واني اصيح العمة طلعت من المطبخ مخبوصة
- ها طيبة شبيچ تصيحين
- عمة رزاق رجع هذا وينة واگف برة ويا عمو محمود
- صخام الصخم وجهة ان شاء الله
بيا عين هذا راجع وشلون يتجرأ ويدخل لـ هالبيت بعد كل شي صار
- شسوي عمة والله خفت كلش من رجعتة
- لتخافين يمة اكيد ميظل هسة شوية ويولي
- زين شتگولين ليش رجع ؟!!
- يجوز اجة علمود يشوف بيبيتچ
كافي عاد لترجفين مو دمچ راح ييبس شجاچ
يلا شو جيبي رحمة وروحي غسلي علمود أغديكم الأكل صار من نص ساعة
خليت أختي يمها ورحت غسلت ويا صفاء
طبيت للغرفة الصينية بالگاع
گعدت أكل بالغصب عقلي ديودي ويجيب
خايفة من رجعتة كلش عود ليش اجة مو چنت مرتاحة منة لو ممكتوب تدوملي هالراحة
بعدني اتغدة سمعنا عمو محمود يصيح بصوت عالي
تركنا كل شي وطلعنا ركض
وگفت بالباب اباوع عليهم بخوف شصار يربي ؟!!
وشنو من مصيبة جديدة جابها بابا على راسنا برجعتة هاي ؟!!
مندري شديصير بيناتهم
بس مبين الموضوع يخصني لأن كل كلمة والثانية ينجاب طاريي بالسالفة ليش ما اعرف
محمود.. شنووووو لككككك بكيفك قابل هي تايهتلك
رزاق.. لعد بكيفمن غير طيبة بنتي ؟!!
- لا والله قشعر جسمي من هالكلمة
هه بنتي العار
ليش هسة يلا نزلت عليك الحنية وتذكرت عندك بنات
لكككك صارلك سنيين شامرهن
لا تگول دياكلن يشربن عايشات ميتات ؟!!
هن والماكو سوة بالنسبة الك لذلك انتَ والماكو سوة لا تحلم تصيرلهن أب بعد كل هالسنيين رزاق
- بس انتَ الطردتني من هذا البيت لو نسيت حضرتك
- لا ما نسيت ولا راح انسى
بس بالمقابل تذكر عمايلك قبل لا تلومني وتذب الصوچ بية
- محمود اترجاك افهمني
اني واگع بورطة ومحد يگدر يطلعني منها غير هالرجال
- والى متى تظل تفكر بس بنفسك ؟!!
فهمني الى متى تظل مفضل راحتك على راحة أطفالك
YOU ARE READING
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
